Unë nuk besoj që ka fermerë, biznese të vogla, punëtorë në sektorin privat apo shtetëror, mësues, polic, infermier, emigrantë që bëjnë llaç, emigrantë që vjelin ullinj, pjeshka e molle, korrin kërçop, vjelin domate apo bëjnë mure tulle, suvatime, punime hidraulike dhe elektrike në çdo cep të globit, që paskan 2 milionë euro pa deklaruar.
Shkruan Myslim Murrizi
Nëse miratohet amnistia fiskale atëherë perse duhet te paguhen një tufe fundërrinash tek Drejtoria e Pastrimit të Parave????
Për çfarë duhet të ekzistoj ky institucion që është përdorur si gjobëvënës dhe si një institucion që ka menduar se “ tremb” politikisht njerëz që nuk janë brenda stanit të fëlliqur të atyre që emëruan dhe mbajtën në krye të këtij institucioni një fundërrinë drejtor????
Po institucioni ILDKPI çfarë pune do bëjë kur shoh që në debatet për të hequr mandatin deputetes Olta Xhaçka, media pranë qeverisë nxitojnë të nxjerrin vendimin e Gjykatës Kushtetuese të rastit Valentina Leskaj që deputeti dhe çdo i zgjedhur me të drejte nuk mban përgjegjësi për familjarët.
Atehere sipas vendimit të Gjykatës Kushtetuese edhe për deklarim deri në 2 milion euro të çdo familjari të njerëzve të pushtetit nuk ka asnjë mundësi frenimi që qeveritarët nëpërmjet familjarëve të tyre mund të pastrojnë mbi 10 milionë euro me këtë ligj të amnistisë.
Pse vendimi i Gjykatës Kushtetuese nuk ka gjetur zbatim për qytetarë të tjerë që me ligjin bastard të OFL janë penalizuar se kane pasur një familjar të dënuar para shumë kohësh???
Po sipas këtij vendimi, të drejtë të Gjykatës Kushtetuese për rastin e Zj. Leskaj, pse janë larguar nga drejtësia me qindra prokurorë e gjyqtarë se kane pasur njerëz të largët të familjes me pasuri të pa justifikuar ose me precedent penal???
Meqenëse ky vendim i drejtë i Gjykatës Kushtetuese për rastin Leskaj merret si model pozitiv për të mbrojtur Zj. Xhaçka, atëherë pse SPAK dhe Gjykata e Posaçme sekuestrojnë pasuritë e deputetit të Beratit Z.Kasëm Mahmutaj?????
Pas të gjitha këtyre pikëpyetjeve mbi shumë çështje që janë trumbetuar me të madhe si arritje të drejtësisë së re, për çfarë bëhet amnistia dhe kujt i shërben në këtë kohë????
Unë nuk besoj që ka fermerë, biznese të vogla, punëtorë në sektorin privat apo shtetëror, mësues, polic, infermier, emigrantë që bëjnë llaç, emigrantë që vjelin ullinj, pjeshka e molle, korrin kërçop, vjelin domate apo bëjnë mure tulle, suvatime, punime hidraulike dhe elektrike në çdo cep të globit, që paskan 2 milionë euro pa deklaruar.
Atëherë cila kategori përfiton nga kjo amnisti fiskale???????
Besoj qe kjo amnisti bëhet vetëm për llumin e shoqërisë shqiptare dhe kryellumhanet që kanë qeverisur këtë vend prej 30 vitesh.
Dhe doli nga sirtari i qeverisë si shenjë presioni ndaj BE pas dështimit të para dy ditëve ne Bruksel për mos çeljen e negociatave për anëtarësim në BE, sepse BE e ka kundërshtuar këtë amnisti fiskale që është as më shumë e as me pak një pastrim i parave të botës së krimit.
