Një operacion antikanabis në malet e Dukagjinit për pak sa nuk ka përfunduar në tragjedi, kur një efektiv policie është rrëzuar duke përfunduar në humnerë.
Nga të dhënat paraprake bëhet me dije, punonjësi i bluve të komisariatit Shkodër, Rrok Frroku, ka rrëshqitur në terrenin e vështirë të Dushmanit. Edhe pse kolegët i kanë ardhur menjëherë në ndihmë, ata nuk kanë mundur që ta nxjerrin oficerin nga humnera për shkak të terrenit tejet të vështirë.
Duke marrë shkas nga kjo situatë është kërkuar ndihmë e specializuar. Nuk dihet sesi paraqitet gjendja shëndetësore e policit, i cili tashmë ndodhet në spital.
