Pezullohen nga detyra 6 punonjës të policisë së Korçës, mes tyre shefi komisariatit Krenar Gjokutaj, shefi qarkullimit Kelmend Pikuli dhe 4 punonjës të qarkullimit.
Nga të dhënat paraprake bëhet me dije se prokuroria e Tiranës ka hetuar shefat kryesisht për veprën penale “ushtrim i ndikimit të paligjshëm”, ndërkaq punonjësit e tjerë për “shpërdorim detyre”.
Gjykata e Tiranës ka vendosur masën e sigurisë “detyrim paraqitje” për shefin e Komisariatit dhe pezullimin nga detyra. Sipas informacioneve të siguruara, bëhet fjalë për 2 raste të kapjes së drejtuesve të mjeteve në shkelje administrative. Ata shfaqen në telefon duke bërë pazare për mbylljen e lokaleve gjatë masave anti-covid.
Detajet në lidhje me këtë operacion mbahen sekret, por njoftohet se hetimet ndaj tyre kishin nisur për trafikun e sirianëve dhe sigurimin e kalimit të tyre nga Greqia për në Shqipëri e mandej në BE.
