Ish-kreu i Komunës Frakull në Fier është i akuzuari kryesor i laboratorit të drogës që u zbulua nga policia shqiptare në bashkëpunim me atë malazeze.
Sot u zhvillua një operacion i gjerë në Mal të Zi dhe në Shqipëri, pasi autoritet malazeze zbuluan një sasi të madhe kokaine në Tivar, e cila u transportua në Fier.
Pas më shumë se 3 muajsh hetime u identifikua një banesë në Frakull të Fierit, e cila shërbente si laborataor. Pronari i banesës është Viktor Çervenaku, ish-kryetar i Komunës në këtë fshat. Ai rezulton funksionar i PS dhe momentalisht mban poste të tjera në administratën shtetërore. Në pranga kanë rënë 15 persona dhe nesër SPAK pritet të hedhë dritë nëse u arrit të arrestohej Çervenaku.
Droga futej në thasë me pleh kimik dhe më pas me kamionë transportohej nga Mali i Zi drejt banesës së Çervenakut. Aty droga përpunohej nga dy shtetas kolumbianë, pasi bëhej ndarja nga plehu kimik.