Presidentja Vjosa Osmani është takuar me kryeministren e Zelandës së Re, Jacinda Ardern, në margjinat e Asamblesë së Përgjithshme të OKB-së, në Nju-Jork.
“Ishte kënaqësi të bisedoja mbrëmë në Nju-Jork me kryeministren e Zelandës së Re, Jacinda Ardern”, ka treguar Osmani, të enjten përmes një postimi në Facebook.
Osmani këtë takim e ka lidhur edhe me të drejtat e grave.
“Bota është më paqësore, më e drejtë dhe më demokratike kur u japim hapësirë të barabartë zërave të grave dhe vajzave dhe i mbështesim ato që ta arrijnë potencialin e plotë”, ka deklaruar ajo.
Zelanda e Re është një nga vendet qe e ka njohur pavarësinë e Kosovës.