Shuma totale është 5.9 milionë lekë në muaj, por këtyre e deputetëve të tjerë, u jepen çdo muaj dhe nga 1.3 milionë lekë karburant, faturë telefoni, hoteli e dietë ushqimore
Në tabelën e shpenzimeve që shteti paguan për deputetët, është dhe një kolonë e emërtuar: “Rimbursim qira banimi”, ku janë 17 deputetë zonash, të cilët përfitojnë nga 350 mijë lekë të vjetra në muaj për banim në Tiranë.
Referuar deklarimeve të tyre pasurore, rezulton se deputetët nuk janë të varfër apo të pastrehë; përkundrazi, përveçse janë me pagë mujore 1500 USD e më afro 1300 USD shpërbime çdo muaj, kanë dhe bashkëshortët e fëmijët në punë shteti me paga të larta. Është absurde që këta 17 deputetë, të trajtohen me bonus për qira banese në Tiranë, kur ata kanë nga 2-3 banesa e vila në Tiranë dhe zonat e tyre të banimit ku janë deputetë.
Këto banesa, ata i përdorin për biznes personal, duke i dhënë me qira, ndërsa me taksat e popullit, shteti që e di këtë marifet, u paguan nga 350 mijë lekë qira banese në muaj.
Ja 17 deputetët e PS, PD, PSD e Foltores që marrin qira banese:
1. Antoneta Dhima, deputete e PS-Fier.
2. Baftjar Zeqaj deputet i PS-Fier
3. Lindita Buxheli deputete e PS-Fier
4. Nustret Avdulla deputet i PDIU-Fier
5. Mirela Pitushi deputete e PS-Fier
6. Besion Ajazi, deputet i PS-Elbasan
7. Ilirjan Pendavinji deputet i PS-Korçë
8. Enslemvera Zake deputete e PS-Korçë
9. Sorina Koti deputete e Foltores-Korçë
10. Gledis Çeliku, deputet i PSD-Shkodër
11. Meri Markiçi deputete e PSD-Shkodër
12. Kasëm Mahmutaj, deputet i Folotores-Berat
13. Eralda Bane, deputete e PD-Fier
14. Greta Bardeli, deputete e PD-Shkodër
15. Niko Kuri, deputet i PS-Sarandë
16. Pranvera Resulaj, deputete e PS-Vlorë
17. Hatixhe Konomi, deputete e PS-Berat
Vlera totale për këtë pagesë absurde që “de facto” është përfitim i padrejtë, shkon 5.9 milion lekë në muaj; ndërkohë që këtyre e deputetëve të tjerë u jepen çdo muaj edhe nga 1.3 milionë lekë për karburant, telefon, fjetje në hotel e dietë ushqimore./Pamfleti
