Pas arritjes së marrëveshjes mes Kosovës dhe Serbisë për targat në Bruksel, ka folur zëvendëskryeminsitri, Besnik Bislimi.
Në Twitter, Bislimi ka thënë se tani palët duhet të vazhdojnë bisedimet intensive të mbështetur nga Gjermania dhe Franca.
“Pas marrëveshjes së sotme, ne duhet të vazhdojmë bisedimet tona intensive për propozimin e BE-së, të mbështetur nga Gjermania dhe Franca, për normalizim të plotë të marrëdhënieve”, ka thënë Bislimi.
Vendimi i Qeverisë së Kosovës për riregjistrim të makinave me targa ilegale serbe në RKS – Republika e Kosovës, ka pasur tri faza.
Faza e parë e qortimit është zbatuar deri më 22 nëntor.
Faza e dytë parashikon gjobë prej 150 eurosh. Dhe në fund bllokimi i targave me mbishkrime serbe.
