Një ditë para përfundimit të edicionit të vitit 2022 të Panairit të Librit janë ndarë edhe çmimet letrare për autorët dhe përkthyesit e këtij viti nga juria e cila përbëhej nga Virgjil Muçi, Aleksandër Cipa, Vjola Isufaj, Alina Karaulli dhe Agim Baçi.
Gjatë ndarjes së çmimeve shkrimtarja Natasha Poroçani mori vlerësimin për veprën e saj në letërsinë për fëmijë, me librin “Kalendari i ëndrrave të mollës”, ndërsa përkthyesja Klarita Lagji mori çmimin për përkthimin më të mirë nga frëngjishtja për realizimin në shqip të veprës “Vendi i Babait”, nga shkrimtarja nobeliste Annie Ernaux.
Çmimet e Panairit të Librit 2022:
1.Çmimi i Letërsisë për fëmijë u dha nga pedagogia Viola Isufaj dhe për Natasha Shuteriqin dhe librin “Kalendari i ëndrrave të morës” sipas jurisë “ajo ja ka dalë të krijojë një vepër letrare që i jep krah fantazisë e kontribuon në dijen e tyre’. Natasha Shuteriqi shprehu mirënjohjen duke theksuar se të shkruash për fëmijët është përgjegjësi shumë e madhe
2.Çmimi për Përkthimin më të Mirë u dha për Klarita Lagji “Vendi i babait” të nobelistes Annie Ernaux.
Klarita Lagji u shpreh se me këtë vlerësim motivohet për përkthimin në shqip të vlerave më të mira franceze. Ajo ka sjellë në shqip dhe “Pasioni i thjeshtë” dhe ka në dorë “Vitet” të Nobelisted po në shtëpinë botuese Dudaj, ndonëse vetë përkthyesja jeton në Paris.
3.Vepra më e mirë studimore e mori Arben Imami për “Tri format e mendimit: Mitologjia, Racionaliteti, Religjoni”. Imami shprehu mirënjohjen shkurtimisht duke u shprehur “Si rishtar” po e mbyll këtu.
4.Alda Bardhyli dorëzoi çmimin “Përkthimi më i mirë për 2022” për Romeo Çollaku, për përkthimin e romanit “Varfanjoku i Zotit” të autorit Nikos Kazanxaqis
‘Gëzohem që çmimi i jepet një libri të botuar në Kosovë (Shtëpia botuese “Dukagjini” ) për më tepër letërsi greke në Kosovë’- u shpreh Çollaku.
Kreu i Bashkisë Tiranë, Erion Veliaj dorëzoi çmimin e Panairit të Librit “Shkrimtari më i mirë”. Ky vlerësim i jepet shkrimtarit Zija Çela, për librin “Banka e ankesave”.
‘Nuk e kisha çuar ndër mend këtë çmim, ky ishte një vit i veçantë çmimesh!’- i shpreh Çela.
