Papa Françesku shkarkoi këtë të martë të gjithë kryesinë e organizatës globale humanitare të Kishës Katolike për shkak të akuzave për ngacmim dhe poshtërim të punonjësve dhe emëroi një komisionar të përkohshëm për ta drejtuar atë.
Lëvizja e papritur përfshin krerët e Caritas International (CI), një konfederatë e organizatave katolike aktive në më shumë se 200 vende dhe me seli në Vatikan.
Ndryshimi në udhëheqjen e CI, e cila ka më shumë se një milion punonjës dhe vullnetarë në mbarë botën, u njoftua në një dekret papal të raportuar nga zyra e shtypit e Vatikanit.
Në një deklaratë të veçantë nga Zyra e Vatikanit për Zhvillim, e cila mbikëqyr CI, thuhet se monitorimi i jashtëm i mjedisit të punës ka identifikuar dobësi dhe praktika të dobëta menaxheriale në selinë e organizatës.
Një punonjës i tha Reuters për rastet e abuzimit verbal, favorizimit dhe keqmenaxhimit të përgjithshëm të burimeve njerëzore kishin bërë që disa pjesëtarë të stafit të largoheshin.
“U vunë re mangësi reale në menaxhim dhe procedura, duke paragjykuar seriozisht shpirtin e ekipit dhe moralin e stafit,” tha ai.