Brekëgrisuri Adriatik Llalla, që nga argat fshati me 8 klasë në malet e Gramshit, u bë kryeprokuror e latifondist tokash në Tiranë dhe plazhe, në bashkëpunim me klikën Berisha, Meta, Rama, Basha, zbatoi skenarin e kësaj grabitjeje gjigante, duke bërë “kokë turku” një kazmaxhi varrezash, të përdorur për firma fiktive, nga banda e avokatëve, noterëve, hipotekuesve, prokurorëve dhe gjyqtarëve të Vlorës, të cilët sot janë të lirë, në poste, me biznese dhe në arrati.
Duke nisur nga sot, “PAMFLETI”, në kuadër të “Vettingu-t” dhe procesit të sekuestrimit të çdo “tulle” pasuri fizike, të vjedhur me akte kriminale, ka vendosur të rihapë dosjen e grabitjes gjigante të 342 hektarë toka, troje, parqe pyjore e plazhe, vijë bregdetare në Karaburun, Palasë, Zvërnec, Shën Vasil, Himarë, Dhërmi e Vlorë.
E gjitha kjo i shkon në vëmendje SHBA, BE, SPAK dhe BKH, që sekuestron e parë në “xhunglën” Shqipëri, ta nisin nga kjo vjedhje gjigante, inskenuar prej politikanëve majtas-djathtas, e cila vazhdon të mbrohet prej tyre, si përfitues direkt në këto toka të vjedhura, duke futur në lojë dy eksponentë krimi, që bashkëpunuan me pushtetarë, zyrtarë të lartë të drejtësisë e të shtetit dhe me banda krimi të paguara.
Ndërsa tjetri është Artur (Genc) Shehu, padrino i Pëllumb Petritit, kryebanditi i masakrave, shkatërrimeve, trafiqeve e plaçkitjeve të vitit 1997 në zonën Vlorë-Fier, pjesë drejtuese e bandës mafioze të Albino Prudentino, një ndër bosët e klanit mafioz “Sacra Corona Unita”, që e kthehu Vlorën dhe Tiranën në qendra pastrimi parash me lojëra bixhozi.
Ende është në sirtarët e drejtësisë së Vlorës dhe në sirtarët e Adriatik Llallës e “1 miliardëshit” Xhezair Zaganjori, Dosja Penale nr. 266/2016, hapur për 342 hektarë tokë të vjedhur në Karaburun, Palasë, Zvërnec, Shën Vasil, Himarë, Dhërmi, të grabitura me letra false nga Pëllumb Petriti, i cili prezantohej si kryetar i partisë së (mos)kthimit të pronave (PR), me mandat të dhënë nga trafikanti shtetëror Fatmir Mediu.
Nga 15 muaj burgim, që kërkoi prokuroria “Llalla”, 3 vjet burg në mungesë, u dënua nga gjykata (10% e masës së dënimit të merituar), ky hajdut i 500 hektarëve toka me letra false në vijën bregdetare Karaburun, Palasë, Zvërnec, Shën Vasil, Himarë, Dhërmi, që ua shiti investitorëve vendas e të huaj, të cilët kanë ngritur “parajsat” turistike mbi toka të vjedhura, për të cilat do publikojmë fakte të reja skandaloze.
Ndërsa padrinoja i Pëllumb Petritit, kapobanda Artur (Genc) Shehu, u dënua me 9 vite burg në mungesë, pasi me ndihmën e tutorit Fatmir Mediu dhe bandës politike Berisha-Meta, ia mbathi në SHBA, prej nga nuk po kërkohet të ekstradohet, as prej bandës “Rama-Ahmetaj-Balla-Hyseni” (përfitues nga këto toka), ndërkohë që ka dosjen penale në Leçe-Itali, për pastrim parash krimi, si pjesë e klanit mafioz “Sacra Corona Unita”.
Nëse shteti, i detyruar prej presionit ndërkombëtar, nga 342 hektarë të vjedhur mundi të sekuestronte vetëm 220 hektarë tokë në Karaburun, me vlerë mbi 100 milionë euro, pasi pjesa tjetër ishte shitur e tjetërsuar në 4-6 pronarë, kanë mbetur edhe 104 hektarë në duart e bandës mafioze, politikanëve e familjarëve të tyre.
Këta kanë marrë “llokmat” nga kjo mega-vjedhje dhe e kanë mbrojtur, siç është rasti i familjes Berisha me 25 mijë m2, i Fatmir Mediut me 10 mijë m2, i Eli Farës me 1500 m2, i Adriatik Llallës me 2000 m2, i Ilir Metës me 18 mijë m2, i Xhezair Zaganjorit me 10 mijë m2, i Alket Hysenit me 15 mijë m2, i Ilirjan Muhos me 2500 m2 dhe i 25 gjyqtarëve, prokurorëve, noterëve, hipotekuesve, kryepolicëve, bashkiakëve e krye-tatimorëve, të Vlorës dhe Tiranës.
Skandal është krimi, që u bë mbi këtë krim, mbasi drejtësia e qelbur në korrupsionin e këtij akti kriminal dënoi me afate simbolike kryehajdutin Pëllumb Petriti, kryemafiozin Artur (Genc) Shehu dhe 2-3 pjesëtarë të bandës së zyrtarëve të hipotekës, komisionit të kthimit të pronave, noterëve, kadastrës, komunave, ndërsa 17 të tjerë i la të lirë e nëpër poste shtetërore edhe sot.
Për të maskuar e shpëtuar tokat e vjedhura, të mbetura jashtë sekuestros, por edhe për të justifikuar dënimin qesharak të realizuar prej dyshes Petriti-Shehu dhe bandës shtetërore, që mbështeti e mbrojti supervjedhjen, me porosi të Adriatik Llallës, i shpërblyer me 2000 m2 tokë në bregdetin e Himarës dhe me akuzë-pretencë të Ramadan Trocit e “recitim” të Albert Kuliçit e Urim Bucit, gjyqtarja që po konkurron për KLGJ dënoi me 18 vite burg varfanjakun Rajmond Mezi, kazmaxhiun e varrezave të Vlorës, që kishte hedhur firma në letra të bardha, i mashtruar për “5 lekë” nga kjo superbandë hajdutësh, me në krye Pëllumb Petritin e Artur (Genc) Shehun.
Por nuk është vetëm 342 hektarë në bregdetin Karaburun, Palasë, Zvërnec, Shën Vasil, Himarë, Dhërmi, pasi batërdia e vjedhjeve të super-bandës “Pëllumb-Artur”, me qendër krimi në kadastër, komuna, bashki, zyra noteriale e avokatore, hipotekë, në SHISH, prokurori dhe gjykatën e Vlorës, ka vazhduar në Panaja, Novoselë, Mifol, Ferras e deri bregdetin e grykëderdhjes së Semanit në Fier, ku vepronte banda tjetër e Fatmir Mediut e Ilir Metës, për të cilat do të publikojmë fakte të reja, në vazhdim. (Vijon…)./Pamfleti
Adresa ku jeton Artur Shehu ose Genc Shehu, kryemafizoi i grabitjes së tokave në bregdetin e Vlorës, por që nuk kërkohet ekstradimi nga shteti shqiptar
Arthur Shehu
Age 50-55 * Miami Beach, FL
