Shirat janë larguar duke i lënë vend kohës së kthjellët e diellit dimëror. Meteoalb parashikon se gjatë ditës së sotme, i gjithë vendi ynë do të përfshihet nga kthjellime të vazhdueshme dhe përgjithësisht pa reshje. Por, zonat veriore dhe jugperëndimore, do të përfshihen pasdite nga reshje të pakta dëbore e të pakonsiderueshme. Por temperatueat, vijojnë të jenë të ulëta. Temperaturat e ajrit ulen në vlerat minimale dhe maksimale duke bërë që ekstremumet ditore të luhaten nga -8°C deri në 9°C. Era do fryjë e fortë në tokë dhe det me shpejtësi mbi 60 km/h nga drejtimi Verior-Veriperëndimor duke krijuar në det dallgëzim 6 ballë.
Përsa i përket Europës, zona Veriperëndimore dhe brigjet e detit të Zi mbeten me vranësira dhe rrebeshe shiu, ndërsa Qendra e Lindja e Europës vijojnë të jenë nën sundimin e reshjeve të dëborës.
Ditët e fundit, Shipëria ka qenë e përfshirë nga reshje të dendura shiu që kanë sjellë përmbytje të shumta, por tashmë, vendi mund të marrë frymë. Jo për shumë gjatë, pasi fundjava sjellë shira sërish.
