Shkruar nga Pamfleti
Parlamenti i Finlandës ka miratuar me shumicë dërrmuese votash propozimin për të aplikuar në aleancën e NATO-s.
Propozimi u miratua me 188 vota pro dhe 8 kundër.
Finlanda pritet të nënshkruajë një aplikim zyrtar dhe ta dorëzojë atë në selinë e NATO-s në ditët në vijim, së bashku me Suedinë
Kjo lëvizje vjen pas njoftimit të Shtëpisë së Bardhë se presidenti finlandez, Sauli Niinistö, dhe kryeministrja e Suedisë, Magdelena Andersson do të takohen me presidentin amerikan, Joe Biden të enjten, për të diskutuar aplikimet e tyre në NATO.
Më herët gjatë ditës, Ministrja e Jashtme suedeze Anne Linde nënshkroi ofertën historike të Suedisë për t’u bashkuar me NATO-n.
“Kjo është një gjë e madhe dhe serioze, sikurse ne mendojmë se është më e mira për Suedinë. Vlerësojmë se do të zgjasë deri në një vit procesi i integrimit”, shtoi ajo.
