Pas Francës, Rusia ka shpallur të padëshirueshëm edhe 27 diplomatë spanjollë dhe 24 italianë. Vendimi ka ardhur si kundërpërgjigje ndaj masave që kanë marrë këto shtete kundër Moskës. Paradite u njoftua për dëbimin e 34 diplomatëve francezë, por duket se lista është shtuar.
Të tre vendet janë mes shteteve evropiane, të cilat kanë dëbuar më shumë se 300 diplomatë rusë që nga nisja e pushtimit më 24 shkurt. Në shumë raste, ata akuzuan diplomatët rusë për spiunazh, çka është mohuar nga Moska zyrtare.
Në përgjigje të këtyre vendimeve, Rusia dëboi muajin e kaluar rreth 45 diplomatë polakë dhe 40 persona nga stafi diplomatik gjerman.
Kryeministri italian, Mario Draghi e quajti “një vendim armiqësor” njoftimin e bërë nga Moska dhe tha se kanalet diplomatike nuk duhet të ndërpriten.