Ministria e Drejtësisë, duhet të zbardh vërtetësinë e akuzave ndaj tij/ Jashtë Shqipërisë, ka qenë me emrin “Klodian” e pas kthimit në Fier, ka ndryshuar emrin dhe ka nisur e po vazhdon biznes në ndërtime, pajisje hidro, evadim të inerte-dherave dhe PPP-të e plehrave, së bashku me Klodian Zoton, Arben Ahmetajn, Ilir Dedjan, dhëndrin e Ritvan Bodes dhe mikun e tij trafikant nga Fieri, Benard (Nard) Nallbani, kunat i Sandër Frangajt
Në relacionin hetimor të “Veting”, që po përgatit KPK për prokuroren Mariola Mërtiri, ka konstatuar se në deklarimin pasuror të saj, është dhe blerja në vitin 2010 e 1 apartamenti 92 m2 në Fier, me vlerë 4.5 milionë lekë të reja.
Sipas prokurores Mërtiri, 50% të vlerës e ka shkëmbyer me shitje sendi tek ndërtuesi Eqrem Buzi; ndërsa 50% në vlerën 2.2 milionë lekë të reja e ka dhuratë: 1 milionë lekë nga kunati i saj Mirel Mërtiri dhe 1.26 milionë lekë nga vjehrri Trifon Mërtiri.
Grupi relator i KPK së “Veting”, ka konstatuar se në dosjen e ILDKPI, prokurorja Mariola Mërtiri (Llaci), nuk ka deklaruar burimin e të ardhurave, të 2.26 milionë lekë të reja, që i kanë dhuruar vëllai dhe babai i bashkëshortit.
Për këtë shumë, deklaron se të ardhurat janë nga kursimet dhe puna e tyre në emigracion; por pa shënuar në dosje, shtetin/et dhe punët që kanë bërë në emigracion.
Prokurorja Mërtiri e njeh shumë mirë ligjin e deklarimit të çdo burirmi financiar e pasuror; mbasi deri para 1 viti ka qenë e emëruar, si një nga drejtueset e strukturës “Forca e Ligjit” në Prokurorinë e Tiranës,
Por dhe për faktin, se për punët e kunatit Mirel Mirtiri në emigracion, ka patur e ka akuza të rënda e pasoja ligjore si “trafikant”; e pas kthimit në Fier, ka ndryshuar emrin nga “Klodian” në “Mirel”.
Me këtë emër të ri, i është futur biznesit të ndërtimit, ujësjellësave, evadimit të inerte-dherave e përpunimit të plehrave, së bashku me Klodian Zoton, Arben Ahmetajn, Ilir Dedjan, dhëndrin e Ritvan Bodes dhe mikun e tij trafikant nga Fieri, Berndard (Nard) Nallbani, kunat i Sandër Frangaj.
Në rastin konkret, akuzave që i bëhen si “trafikant”, kunatit të prokurores Mërtiri; mund dhe duhet t’i zbardh ministrja e Drejtësisë Etilda Gjonaj dhe prokuroria, referuar dosjeve penale e gjyqësore të ardhura nga jashtë Shqipërisë./Pamfleti
