Një objekt i transformuar në paisje për të komunikuar me video është gjetur në qelinë e Admir Tafilit.
Ky i fundi, i akuzuar për disa ngjarje të rënda kriminale për të cilat është dënuar me burgim të përjetshëm, e kishte transformuar pajisjen nga modem për kanalet televizive në një objekt të mirëfilltë për të kryer telefonata me zë dhe figurë.
Po ashtu bëhet e ditur se kontrolli në qeli është bërë pasi ka sinjalizuar SPAK, e cila ka një çështje hetimore të nisur pas një dëshmie të dhënë nga Tafili.
Ndërkohë, burimet janë të rezervuara, por bisedat dhe telefonatat që ka kryer Tafili me të tjerë janë përgjuar.
