Sa toka e objekte i ka dhuruar Bashkia kompanisë “Albtelecom”, dhe sa taksa nuk paguan prej 5 vitesh/ SPAK duhet të hapë këtë “gropë të zezë”, brenda të cilës ka krim të rëndë ekonomiko-financiar, me vjedhje që bëhen pasuri për familjen e kryebashkiakut të Tiranës; dhe me humbje miliona lekë për shtetin, të zhdukura me bilancet false me gjoja humbje çdo vit, me gjoja promocione, pazare shitje-blerje, dhurim shërbimesh e paketash telefonike, që regjistrohen vetëm në letra; ku tipik është reklama mashtruese e Erjon Veliajt, për 300 mijë Euro pemë, gjoja të dhuruara nga “Albtelecom”
Sa herë përmenden “punët e zeza” të kompanisë “Albtelekom”, përveç mashtrimeve me tarifat dhe bilancet e nxjerra me “Humbje”; në këto zullume dalin dhe emrat e kryebashkiakut Erjon Veliaj e vëllait të tij, Arbër Veliaj , pronar i dy firmave private “AEG Communication” dhe “Gogel.al”.
Fakti i parë/ Më 3 qershor 2018, Bashkia e Tiranës, financoi koncertin e Rita Orës, menaxhuar nga firma “Gogel.al” e Arbër Veliajt, vëlla i Lali Erit; për të cilën u bë kallzim penal, por prokurorja Arta Marku e
Petrit Fusha e bllokuan hetimin, me justifikimin se fondi ishte paguar nga “Albetelecom” për një “kompani konfidenciale” e cila rezultoi se ishte “Gogel.al” e vëllait të Erjon Veliajt.
Fakti i dytë/ Firma “AEG Communication” në pronësi të Arbër Luan Veliajt, krijuar më 17 janar 2014, ose 4 muaj pasi Lali Eri u emërua Ministër i Punës; sipas QKB, rezultoi se mori 610 milionë lekë për dekorin e vizitës së Papa Françeskut, fond nga Ministria e Punës dhe ajo e Kulturës, por u tha se ishin paguar si promocion nga “Albtelecom”.
Ndërsa deri më 30 nëntor 2015, kjo firmë përlau 816 milionë lekë nga 4 ministri, 3 agjenci e 7 drejtori, për dekore, reklama e programime projektesh të institucioneve; mes tyre dhe 115 milionë lekë nga Ministria Punës ku Erion Veliaj ishte ministër, firmosur nga ish-drejtori i shërbimeve, Taulant Tusha, prej 5 vitesh Drejtor i Shërbimeve në Bashkinë Tiranë, por u tha se sponsor ishte përsëri “Albtelecom” .
Pasi plasi skandali, u bë kallëzim penal, por më 9 dhjetor 2015, vëllai i Lali Erit tentoi të zhdukte gjurmët, duke ndryshuar emrin tregtar nga “EAG Communication”, në “Eggra Albania shpk”; gjë të cilën e shfrytëzoi Adriatik Llalla, për t’i fshirë kallëzimin penal, me shënimin “Nuk ka biznes me emrin “EAG Communication”, ndërsa Llallës i emëruan gruan shefe te ribursimi i ilaçeve.
Përballë faktit që Llalës, Markut e Petrit Fushës, i futën “fishat” e heshtjes e fshirjes së dosjeve; lidhjet e pazareve mes Lali Erit, vëllait të tij Arbër Veliaj dhe bosit turk të Çalik të “Albtelecom”, janë “çelikosur” akoma më shumë.
Ja si funksionon skema:
– Lali Eri zhvat miliona nga fondet e bashkisë, sikur gjoja ble internet pa tender e në kapacitet e volum 3-4 herë më tepër dhe me çmim 2- herë me shtrentjë se vlera e tregut, që e shesin operatorët të cilët e blejnë nga “Albtelcom”.
– Po kështu, Lali Eri i jep “Albtelecom”, afro 1 milionë Euro në vit, për gjoja blerje paketa shërbimi e programacione telefonie për të rinjtë, pensionsitët, të varfërit dhe eventet publike, ideatorët e bizneseve të reja; madje dhe për internet falas te Parku i Liqenit e në sheshin “Skënderbej”.
– Firma që programon këto paketa e reklama, që bëhen me logon “Albtelecom” e që përfiton milionat e paguara nga Bashkia Tiranë; është “Gogel.al shpk” e vëllait të Erjon Veliajt, e cila përveç këtyre milionave merr dhe pagesë për promovimin e aktiviteteve të sindikatës së “Albtelecom”, vilave të bosëve turq të “Albtelecom”, paguar nga “Albtelecom”, ku thuhet se vlera është sa 20 paga mësuesi në muaj.
– Ndërsa Lali Eri e bosi turk, kanë dhe aktivitetin tjetër “lavatriçe”, me të cilin pastrojnë miliona lekë fitime; si psh., mos pagesë 118 mijë Euro në vit, për taksa tarifa antene, ndotje mjedisi, qira toke për kabinat Yarles e telefonike në rrugë dhe AKEP, pa llogaritur vendosjen e afisheve reklamuese në stacione autobuzësh, në rrugë e fasada godinash të intitucioneve.
Të gjtha këto, maskohen me skemën e lejuar, për të paraqitur “Bilance me humbje”; si dhe me marifetin e sponsorizimeve e reklamave, që Bashkia promovon sikur “Albetelcom” i ka bërë psh., deklaron 10 lekë, kur ka paguar vetëm 1 lekë; ku tipik është sponsorimi për 300 mijë Euro dhurim e mbjellje pemësh.
NË VIJIM/ Fakte të tjera financiare e pasuri publike toka e objekte, që Bashkia Tiranë i ka dhuruar kompanisë “Albtelecom” dhe cilët janë anëtarë të Këshillit Bashkiak, nëpunës e menaxherë të kësaj kompanie./Pamfleti
