Ish-deputeti demokrat Luciano Boçi ka denoncuar një rast flagrant në kryeqytet lidhur me ndërtimet pa leje.
Me anë të një postimi, Boçi ka akuzuar deputetin Sadri Abazi se po zhduk gjurmët e ndërtimit abuzues në pallatin e vet. Këtë fakt deputeti e ka bërë të ditur pas inspektimeve në zonën ‘Iliria’.
“Kishte ardhur për të zhdukur gjurmët e ndërtimit abuzues në pallatin e vet, të dëmtuar në përmasa të frikshme. Pasi kishte hequr me shpejtesi dy katet pa leje që shihen qartë në foto, ka nisur me urgjencë zhdukjen e provave abuzuese.”,shprehet Boçi ndër të tjera.
Reagimi
KUSH DUHET TË HYJË NË BURG?
Gjatë inspektimeve si grup i ngritur nga PD, me ish-deputeten e Durrësit Fatbardha Kadiu, në zonën e pistës “ILIRIA”, për të parë nga afër dhe inventarizuar dëmet e tërmetit, pamë aty dhe deputetin e PS, Sadri ABAZI.
Shumë “i shqetësuar” por i buzëqeshur, siç shihet në foto, kishte ardhur për çfarë?!!!
Për njerëzit?
As mos e mendoni.
Kishte ardhur për të zhdukur gjurmët e ndërtimit abuzues në pallatin e vet, të dëmtuar në përmasa të frikshme.
Pasi kishte hequr me shpejtesi dy katet pa leje që shihen qartë në foto, ka nisur me urgjencë zhdukjen e provave abuzuese.
Pas këtij fakti tronditës që nuk është i vetëm, disa pyetje lindin për Ramën:
Kush duhet të hyjë tani në burg?!!
Pse lejohet zhdukja e provave?!
Kush ia dha lejen Abazit?!!
Po katet pa leje?!!
Po prokuroria ku është?!
Kjo është e vërteta që kërkon të fshijë Rama më bufonizmat e tij.
Përgjegjësit e katastrofës i ka në krah duke nisur nga Gjushi, Abazi e të tjerë.
Përgjëgjësi kryesor është ai vetë si mbjellës i shkatërrimit në Tiranë.
