Zjarri që ra pak javë më parë në ishullin e Sazanit ka shkaktuar tensione mes ministrit të Mbrojtjes Niko Peleshit dhe deputetit demokrat Ervin Salianji në Komsionin e Sigurisë ditën e sotme.
Deputeti i PD ka pyetur ministrin nëse zjarri në Sazan ishte i qëllimshëm, pasi duan t’ia japin oligarkëve pranë qeverisë për të ndërtuar hotel.
Kjo mohua nga ministri, i cila tha se këto janë spekulimi, nuk ka asnjë kërkese, teksa theksoi se ajo zonë nuk jepet për privatizim.
Debati në Komision:
Salianji: Ngaqë nuk i shuani, dot e merrni me të qeshur me një lopatë e gjethe, prandaj ju kemi thirrur më parë. para se të nisë sezoni. A keni dijeni kërkesë aplikim apo ndonjë formë të caktuar nga ndonjë kompani oligark apo institucion publik që kërkon në përdorim të ishullit të Sazanit, duke kërkuar nga ju që ta nxirrni nga plani juaj, dhe a është e njëjta kërkese eshë te zona në Karaburun. Akuzat për zjarret në publik janë që është zjarr i qëllimshëm për të ndërtuar hotel me pesë yje nga oligarkë afër jush. Drejtoria e përgjithshme e emergjencave civile, kapacitet që kanë?.
Peleshi: Ka arritur një lloj pjekuri opinioni publik ti ndajë gjërat, nuk e thash në asnjë moment që ne nuk ja vlejmë të kemi helikopterë. Nuk të lejoj ti keqinterpretosh fjalët e mia. Bëj politikë si të duash ti, po mos vër fjalët e tua në gojën time, nuk tash se nuk ja vlen të kemi helikopter, kemi dhe do kemi edhe më shumë, jemi duke modernizuar forcat ajrore edhe me helikopter black hack. Tash nuk kemi leverdi të kemi avionë se kushtojnë.
Pyetjet thash ti marr me radhë apo i do sallatë ruse. Refuzoj ti përgjigjem pyetjes nëse duhet një charter qeveritar, nuk ka një renditje të tillë, i bie të bënim investime publike vetëm
Charter ka lidhje me dinjitetin e një shteti, helikopter është diçka tjetër, s’kanë lidhje me njëra tjetrën, adresojeni ku të doni.
Nuk kemi asnjë kërkesë për privatizimin të bazës, nuk mund të privatizohet baza, nuk është një bazë e mirëfilltë, ndihmesë. Nuk ka kërkesë, s’ka privatizim, s’ka lidhje zjarri me konspiracionet për të hapur territore për të ndërtuar. Këto janë spekulime.
Vendi ynë është përfshirë nga vatra zjarri që në nisje të sezonit për shkak të temperaturave të larta, por një zjarr i përmasave më të mëdha përfshiu ishullin e Sazanit në fillim të muajit qershor. Vatra e zjarrit në ishullin e Sazanit u shua pas katër ditësh me ndërhyrjen e një avion tip Canadair CL 415 nga Greqia.
