Partia Demokratike ka akuzuar Presidentin Ilir Meta, kryeministrin Edi Rama dhe ish-kryeministrin Sali Berisha se janë bërë bashkë kundër kryedemokratit Lulzim Basha dhe vetë PD-së. Sipas PD, ata janë e shkuara dhe ndaj duan ta mbajnë peng Shqipërinë.
PD ka publikuar një video me deklaratat e të dërguarit të SHBA-ve për Ballkanin Perëndimor, Gabriel Escobar, si dhe të Metës, Ramës dhe Berishës për ‘legjitimitetin’, teksa thekson se “Trekëndëshi i Bermudës” mbështet nga oligarkët, ndërsa Basha është partner i SHBA-ve.
“Edi Rama, Ilir Meta dhe Sali Berisha kanë dalë hapur tashmë kundër PD dhe Lulzim Bashës. Ata e dinë që janë e shkuara dhe mundohen të mbajnë njëri-tjetrin. Trekëndëshi i Bermudës dhe oligarkët që i mbështesin hapur me aktet dhe retorikën e tyre përçarëse të demokratëve. Atyre ju intereson qëndrimi në vendnumëro, ju intereson Shqipëria e së shkuarës, jo e së ardhmes. Demokratët dhe Shqiptarët janë bashkë në këtë betejë kundër pakicës 30-vjeçare të tranzicionit që po e mban Shqipërinë peng.
NE KEMI ZGJEDHUR TË NDËRTOJMË TË ARDHMEN ME TË MIRË”, thuhet në postimin e Partisë Demokratike.
