Përfundojnë pjesët e para të ndeshjeve të orës 21:00 në Europa League. Napoli ka mundur minimalisht AZ Alkmarin me golin e Mertens pas vetëm 6 minutave lojë. Depërtimi i belgut kapi në befasi mbrojtjen vendase.
Arsenali e ka mbyllur pjesën e parë në avantazhin e 3 golave kundër Rapidit të Vjenës. Pas golit të jashtëzakonshëm, të shënuar nga Lacazette në minutën e 10, “Topçinjtë” dyfishuan në minutën e 18 me Pablo Mari, i cili shënoi me gjuajtjen e tij të parë të bërë në një ndeshje zyrtare me Arsenalin.
Goli i tretë erdhi në minutën e 44 nga Nketiah, pas një aksioni të mrekullueshëm të ekipit të Artetës.
Roma e ka mbyllur në barazim 1-1 ndeshjen me Jang Bojs. Kryeqytetasit e pane veten në disavantazh, pas një goli të realizuar nga Nsame në minutën e 34. Ky i fundit fitoi duelin ndaj mbrojtes së verdhekuqve dhe arriti ta dërgojë topin në rrjetë.
Në minutën e 44, Borja Majoral barazoi shifrat për Romën.
