Nuk ka marrëveshje mes Kosovës dhe Serbisë për targat. Sot u takuan në Bruksel dy kryenegociatorët, Besnik Bislimi dhe Petar Petkoviç, por duket se nuk është gjetur emëruesi i përbashkët.
Ka qenë përfaqësuesi i BE-së për dialog, Mirosllav Lajçak, i cili njoftoi në Twitter se nuk u ra dakord për targat.
“Sapo përfunduan takimet e sotme të kryenegociatorëve në Bruksel. Rezultatet janë të përziera. Fatkeqësisht, nuk u arrit asnjë marrëveshje për targat, por ne kemi bërë përparim në çështjet e tjera duke përfshirë energjinë. Puna do të vazhdojë”, ka shkruar Lajçak.
