Përmbaruesi Gjyqësor ka urdhëruar ndalimin e menjëhershëm të çmontimit të Uzinës së Ballshit , duke i dhënë të drejtë në këtë mënyrë naftëtarëve.
Këta të fundit kanë protestuar disa herë në ditet e fundit, për shkak se kanë mësuar që Uzina po çmontohet për t’u shitur për skrap. Ata kërkonin ndalimin e prishjes së uzinës deri sa të mernin mbi 13 paga të prapambetura, të cilat i kanë fituar dhe me vendim gjykate.
Uzina ka qenë në pronësi të A.R.M.O.-s, por duke qenë se ka pagesa të pakryera ndaj naftëtarëve, kjo pasuri është sekuestruar me vendim gjykate dhe i përket 505 naftëtarëve, të përfaqësuar në gjyq nga Taf Koleci.
Në dikument, përmbaruesi thotë se është vënë në dijeni nga naftëtarët se po kryhen ç’montime brenda në Uzinë, gjë e cila është denoncuar prej disa ditësh nga naftëtarët, disa prej të cilëve kanë përfunduar dhe në Polici, përshkak të protestave të tyre.
Vendimi i Përmbaruesit:
Urdhëroj:
1.Vendosjen e masës së sekuestros konservative mbi çdo pasuri të luajtshme dhe të paluajtshme (duke ndaluar marrjen dhe ç’montimin e çdo lloj pasurie në uzinë) në pronësi të shoqerisë A.R.M.O. dhe administratorët Cristophe François, Bernard Darbord.
2.Urdhërohet pala debitore si dhe çdo përfaqësues i saj të mos kryejë asnjë veprim në kundërshtim me vendimet gjyqësore të lartëpërmendura si dhe çfarë është urdhëruar prej nesh.
2.Personat që bëhen pengesë, do të përgjigjen në bazë të nenit 606, që parashikon vendosjen e sanksionit të gjobës dhe kallëzimit penal, bazuar në nenin 320 të Kodit Penal, për kundërshtim të ekzekutimit të vendimit të formës së prerë.
