Kiril Petkov ka reaguar pas rrëzimit të qeverisë së tij nga opozita bullgare. Ai nuk arriti t’i mbijetojë një mocioni mosbesimi dhe tashmë do të kemi zgjedhje të reja në Bullgari.
Në një reagim, Petkov ka ironizuar, duke thënë se qeveria e tij u rrëzua nga ish-kryeministri Borisov dhe ambasadorja ruse Eeleonora Mitrofanova.
“Ishte nder për mua të drejtoja një qeveri që u rrëzua nga Peevski, Borisov, Trifonov dhe Mitrofanova, ambasadorja e Rusisë në Bullgari”, tha Petkov.
Më tej në fjalën e tij ai ka dhënë dhe argumentet se përse janë këta individët që rrëzuan qeverinë.
“Borissov ka frikë se drejtësia do të vijë. Peevski ka frikë se kompanitë e tij nuk do t’i marrin këto para, zonja Mitrofanova nuk është e frikshme dhe ndonjëherë mund të mos e dëgjoni për gjithçka. E nesërmja varet nga ju. Mos lejoni që politika bullgare, dhe ku po shkon ky shtet, të varet nga katër sms nga 4 persona që nuk janë në këtë sallë”, tha Petkov.
Ai tha më tej se ky votim është vetëm një hap i vogël në një rrugë shumë të gjatë. Petkov u shpreh se ajo që opzita nuk kuptoi, ishte se në këtë mënyrë nuk mund ta fitojnë popullin bullgar. “Unë premtoj se do të vazhdojmë këtë betejë për të fituar vendin tonë. Dhe një ditë do të kemi Bullgarinë pa njerëz të sunduar nga hija, pa mafia, një vend normal, një vend të suksesshëm evropian. Faleminderit!” , tha Petkov në fjalimin e fundit si kryeministër.
