Ndërhyrja në kohë e policisë ka bërë të mundur shmangien e një krimi në familje. Burimet zyrtare raportojnë se kanë vënë në pranga një 32-vjeçar, i cili dhunoi dhe goditi me thikë motrën e tij.
Për të rejat më të fundit behuni pjesë e grupit tonë VIRAL në facebook : PAMFLETI
Pas marrjes së informacionit se në lagjen nr. 6, në qytetin e Kukësit, po ndodhte një konflikt i ashpër në familje midis vëllait dhe motrës, efektivët bënë të mundur parandalimin e mëtejshëm të konfliktit, duke arrestuar në flagrancë shtetasin V. Q., 32 vjeç, banues në Kukës.
Ky shtetas pas një konflikti për motive të dobëta, ka ushtruar dhunë fizike ndaj motrës dhe e ka goditur atë me mjet të mprehtë thikë, në krah, duke i shkaktuar dëmtime të lehta. Materialet iu referuan Prokurorisë Kukës, për veprën penale “Dhunë në familje”.
