Një sherr mes disa personave jashtë një clubit të natës ‘Cinco Cavalli’ në afërsi të rrethrrotullimit të Saukut, ka përfunduar me përdorimin e armëve të zjarrit.
Për pasojë ka mbetur i plagosur në këmbë, 39-vjeçari Shpëtim Metoli, i cili është dërguar për të marrë ndihmë mjekësore dhe ndodhet jashtë rrezikut për jetën.
Konflikti ka nisur brenda ambienteve të ‘Cinco Cavalli’, dhe më pas janë rrahur në ambientet e jashtme ku dhe është qëlluar në këmbë 39-vjeçari.
Policia ka shoqëruar deri tani 12 persona dhe vijon puna për tu pyetur në lidhje me ngjarjen. Grupi hetimor po punon për identifikimin dhe kapjen e autorit/ëve dhe sqarimin e rrethanave të ngjarjes.
Sherri dyshohet se ka nisur për një vajzë.