Aktualitet15 Nëntor 2022, 09:34

Plas debati te “Ekonomia” për Portin e Durrësit, Spaho: Hajdutë të pa skrupuj. Shalsi: Turp të kesh!

Shkruar nga Pamfleti
Plas debati te “Ekonomia” për Portin e Durrësit, Spaho:

Komisioni i Ekonomisë ka nisur me debate ditën e sotme ku po diskutohet projekti për Portin e Durrësit.

Anëtari i i opozitës, deputeti Edmond Spaho, i cili e quan projektin e Portit të Durrësit si vjedhjen më të madhe që po i bëhet Shqipërisë.

Po ashtu, deputeti demokrat i cilësoi anëtarët e mazhorancës si “hajdutë pa skrupuj” ndërsa u përball me kundërshtimin e kryetarit të komisionit që i kërkoi të ruajë etikën.

Debati në Komision:

Edmond Spaho: Po marrim një projekt që ka implikime të mëdha financiare, por edhe të natyrës që do të zhvendoset një port dhe do të ndërtohet një port i ri dhe në këto kushte është e udhës dhe është normale që të vijnë ta mbrojtën projektin ato që kanë firmosur, Belinda Balluku dhe Delina Ibrahimi, është shumë qesharake, po flasim për implikimet të mëdha financiare, nuk kemi nevojë për shfaqje të tilla.

Eduart Shalsi: Në konferencën e kryetarëve është marrë një vendim, dhe nuk po bëjmë një procedurë, sikundër ka ndodhur dhe ka shumë shembull, tradita parlamentare

Edmond Spaho: Ca tradite,

Eduart Shalsi: Më lër të flas, të lutem

Edmond Spaho: Nëse inceneratorët është vjedhja e shekullit, kjo është vjedhja më e madhe e historisë. Nuk është serioze. Të vij këtu të flasë hidrauliku i Kryeministrisë

Eduart Shalsi: Të të vij turp  të thuash hidrauliku i Kryeministrisë

Edmond Spaho: Jeni hajdut pa skrupuj. Më trego mua etikën

Eduart Shalsi: Gjuhë aspak etike

Edmond Spaho: Po vidhni për të ndërtuar pallate

Eduart Shalsi: Mirë se erdhe në Komision se je dhe biznesmen

Eduart Shalsi: S’ke kapacitet për të diskutuar për një projekt të tillë të këtyre përmasave.

Edmond Spaho: Ju ka shkelë Edi Rama me këmbë

Jorida Tabaku: Kërkesa për të thirrur ministra është normale, ne duam personat politik që kanë negociuar dhe firmosur këtë marrëveshje. Nuk e kemi diskutuar në Konferencë Kryetarësh, duam të marrim sa më shumë informacion, nuk mund ta marrim nga personat që ka sjellë Kryeministria.

Eduart Shalsi: Kërkuar ata që kanë negociuar personat që kanë negociuar, doni ministrat apo ato që kanë negociuar, sepse përballë do keni personat që kanë negociuar. Pa fyerje vetëm ju lutem, s’duhet të shpërthejë me britma e akuza.

Kryesore Debat komisioni i Ekonomisë porti i Durresit