Në afërsi të shkollës fillorë ‘Ismail Qemali’ në Prishtinë ka ndodhur një konflikt i cili ka degraduar deri në përdorimin e thikës.
Dy personat e përfshirë në sherr kanë qenë të mitur, ndërkohë që njëri prej tyre është dërguar me urgjencë në spital si pasojë e plagës së marrë.
Në të njëjtën kohë autori është shoqëruar në polici.
Akoma nuk raportohet mbi mbi gjendjen e të lënduarit, ndërkohë që policia ka marrë në pyetje autorin për të zbardhur të plotë ngjarjen e rëndë.
Në njoftimin e policisë së Kosovës thuhet: “Rreth orës 14:45 është raportuar për një lëndim trupor të ndodhur në afërsi të shkollës fillore “Ismail Qemali” në Prishtinë. Policia menjëherë ka dalë në vendin e ngjarjes prej nga viktima është dërguar në QKUK për trajtim mjekësor. Ndërkohë që ka shoqëruar në stacionin policor një të mitur që dyshohet të ketë shkaktuar lëndimin trupor të viktimës me një mjet të mprehtë. Aktualisht policia ka iniciuar në hetim lidhur me rrethanat që karakterizojnë ngjarjen”.
