Presidenti i Kosovës Hashim Thaçi duke folur në një lidhje të drejtpërdrejtë mbrëmjen e djeshme në emisionin e Eni Vasilit, ka fyer këtë të fundit kur është pyetur se në Kosovë e akuzojnë se do të shpallë gjendjen e jashtëzakonshme për interesa personale.
“Zoti Thaçi në Kosovë ju akuzojnë se doni të shpallni gjendjen e jashtëzakonshme për interesa personale, për të marrë atribute që nuk i keni por jua jep Kushtetuta”, i tha Eni Vasili Presidentit të Kosovës, ndërsa përgjigja e tij ishte jo e duhura aqsa kaloi në ofendim.
“Kjo është një klithje e kujtdo që e thotë, edhe e juaja”, i tha Thaçi gazetares, ndërsa ajo ja ktheu duke thënë se nuk ishte “shpikje” e saj por akuza që Presidentit ja bënin politikanët në Kosovë.
Dialogu mes Eni Vasilit dhe Hashim Thaçit:
Eni Vasili:Zoti Thaçi në Kosovë ju akuzojnë se doni të shpallni gjendjen e jashtëzakonshme për interesa personale, për të marrë atribute që nuk i keni por jua jep Kushtetuta
Hashim Thaçi:Kjo është një klithje e kujtdo që e thotë, edhe e juaja
Eni Vasili:Jo jo, kjo nuk është shpikje e jona. E thonë politikanët në Kosovë
Hashim Thaçi:Dua të theksojë që gjendjen e jashtëzakonshme nuk e shpall Presidenti. Por kam pasur propozime nga të gjitha partitë paralamentare që të shpallë gjendjen e jashtëzakonshme. Unë sa kam marrë hapin e parë, ka nisur dhe bllokimi nga qeveria.
Bota
