Dhurata Dora së shpejti do të vijë me projektin e saj më të ri muzikor.
Këngëtarja e njohur ka bashkuar forcat me artistin ndërkombëtar Maitre Gims në një këngë, e cila mban titullin “Only you”.
Ka qenë vet Dhurata që ka zbuluar detaje nga ky projekt përmes të cilit synon tregun ndërkombëtar.
Në një video të shkurtër ajo solli disa pamje nga videoklipi i xhiruar në Maldive duke zbuluar shumë pak tinguj nga kënga, por aq sa vumë re do të jetë diçka ritmike.
Ky nuk është bashkëpunimi i parë i Dorës me Maitre Gims, pasi në 2019 sollën “Te Quiero” së bashku me DJ Assad.