Pas qytetit të Laçit, plumbat kanë tronditur edhe kryeqytetin e vendit, këtë mbrëmje. Rreth orës 22:00 të mbrëmjes së sotme janë dëgjuar disa të shtëna me armë zjarri pranë Policisë Bashkiake, në Tiranë.
Pas sinjalizimit, policia ka mbërritur në vendin e ngjarjes duke rrethuar zonën, ndërsa dyshohet se një person është plagosur. Ngjarja është raportuar se ka ndodhur në rrugën “Shefqet Musaraj”, ku dyshohet se ka mbetur i plagosur pronari i një lokali.