Politike24 Qershor 2022, 22:00

“Po pati dhunë do të ketë gaz lotsjellës”, Ngjela: Protesta e Berishës do jetë dështim,  nuk ka kauzë

Shkruar nga Pamfleti
“Po pati dhunë do të ketë gaz lotsjellës”,

Spartak Ngjela nuk ka shumë pritshmëri nga protesta e paralajmëruar e Sali Berishës me 7 korrik. Në një intervistë ai thotë se nëse do të ketë dhunë do të shpërndahen në shtëpitë e tyre me gaz.

Të pamotivuara i gjen edhe arsyet e protestës.

Nuk di cila është kërkesa. Duhet ta arsyetojë krizën ekonomike kurse çmimet dalin në treg nuk i ka shteti, është shtet kapitalist. Çmimet janë ngritur sepse Shqipëria nuk ka prodhim. Kush e zhduki prodhimin? Ata që eleminuan 500 fabrika me paratë e kundërshtarëve të Shqipërisë. Ka histori të dhimbshme Shqipëria në 30 vjet. Shqipëria nuk ka prodhim, qeveria aktuale nuk ka bërë lojë 8 vjeçare për prodhim“, tha ai.

Megjithatë Ngjela shton se protestat janë shëndet por po ka dhunë i godet shteti. “Dështim i radhës. Po të bëjë dhunë do të ketë gaz lotsjellës dhe do të ikin në shtëpi“, tha ai.

Ngjela u ndal dhe te zhvillimet në Bruksel. Avokati tha se Maqedonia e Veriut mund të shkojë drejt shpërbërjes nëse lëshon pe drejt kushteve të reja të Bullgarisë për pranimin e etnisë konstituente bullgare. Nëse kjo ndodh, sipas Ngjelës, do të shkonte në favor të bashkimit kombëtar të Shqipërisë.

Po sjell heqjen e vetos bullgare dhe pse shqiptarët e kishin në favor për etninë konstituente. Shkëputen shqiptarët andej nëse ti nuk hyn në Europë. Ka marrë fund. Problemi është me pikëpyetje pse duhet të njësohet Shqipëria me Maqedoninë e Veriut, e të dyja bashkë do hapen negociatat ose asnjëra. Ka një gjë, o do shpërbëhet Maqedonia, nuk ka rrugë tjetër, ku do marrim pjesën tonë bashkë me Kosovën dhe Bullgaria do marrë njësinë konstituente. Ose pastaj të shohim çfarë do ndodhë. Po del një shtet i tretë shqiptar me këtë që po ndodh por nuk mund të ketë tre shtete shqiptare. Nëse Maqedonia e Veriut me kokëfortësinë e saj shpërbëhet ne e kemi në favor të bashkimit kombëtar. Maqedonia e Veriut është përballë kësaj zgjedhje, o në Europë me demokraci të brendshme dhe me njësi konstituente të njohura ose nuk hyjnë në Europë. Le të zgjedhin nga të duan”, tha ai në “RTV ORA”.

Politike Berisha Ngjela Protesta