Prej kohësh Rovena Stefa ka protestuar në një farë mënyre që nuk lejohen dasmat (si një burim të ardhurash për këngëtarët).
Në një postim në Instagram, këngëtarja shkruan se pandemia mbaron kur politika do fushatë, ndërkohë që dasmat ende nuk lejohen.
“Paska mbaruar pandemia kur do politika fushatë? Po dasmat pse nuk i lejojnë?”– shkroi Rovena Stefa.
Artistët janë ndër më të prekur ekonomikisht nga pandemia e koronavirusit, pasi aktivitet e tyre janë pezulluar pothuajse tërësisht.
Në një intervistë pak muaj më parë, Rovena Stefa u shpreh se këngëtarët duhet të “lejohen të punojnë si gjithë të tjerët duke zbatuar masat e anti-COVID”.
Në të kundërt, tha se do bëhen së bashku në grup artistësh dhe do shkojnë ti këndojnë “me zë të çjerrët kryeministrit në Surrel”.
“Dua ti them atij kryeministrit tonë, t’i dërgoj një porosi që në rast se ky nuk vendos që neve këngëtarëve, si gjithë të tjerëve që punojnë, me masa dhe ne si në çdo institucion, të na lejojë të këndojë përndryshe do bëheni një grup, do ti shkojmë atje tek Surreli, se jam e bindur që kur kalon rrugës i thotë qenit pusho andej, pusho këndej, jam e bindur që edhe kaposhëve ua ka mbyll zërin. Kështu që do shkojmë ne në vend të këndesit dhe do ta zgjojmë çdo mëngjes. E more vesh zoti Kryeministër. Do i këndojmë me zë të çjerrët dhe jo ti këndojmë bukur ne. Po vjen kulmi, jemi bashkë por nuk ka sindikata artistësh, për këta e ka fajin ligji, se nuk është bërë i plotë. Ligji për artin ka shumë mangësi,”- u shpreh Rovena Stefa, e ftuar në “Ftesë në 5”.
