Polonia vijon të dërgojë ndihma ndaj Ukrainës, për të shtyrë agresionin rus i cili po kërkon zaptimin e pjesës Lindore. Presidenti polak Andrzej Duda ka bërë me dije se vendi i tij ka dërguar një numër të madh tankesh.
“Ne po llogarisim në mbështetjen e komunitetit, që është NATO, dhe po llogarisim edhe mbështetjen e SHBA-së dhe gjithashtu të Gjermanisë”, tha Duda gjatë Forumit Ekonomik Botëror në Davos.
Në prill, kryeministri polak Mateusz Morawiecki pranoi për herë të parë se Polonia kishte dërguar tanke në Ukrainë. Nuk janë dhënë detaje, por raportet e mediave sugjerojnë se ata kanë furnizuar tanke T-72 të periudhës sovjetike.
Presidenti Duda tha se ushtria polake tani po përdorte shumë tanke gjermane Leopard 2.
“Nëse aleatët tanë gjermanë do të na mbështesnin me një grumbull tankesh që do të zëvendësonin ato që i dhamë Ukrainës, do të ishim shumë mirënjohës. Ne kishim një premtim të tillë, dëgjojmë se Gjermania nuk është e gatshme ta përmbushë këtë premtim zhgënjim i madh për ne”, tha ai.
