Politike15 Gusht 2022, 13:30

Porti i ri i Durrësit, Meta: Rama i ka bërë keq llogaritë: Afera rrezikon marrëveshjen e Stabilizim-Asociimit me BE

Shkruar nga Pamfleti
Porti i ri i Durrësit, Meta: Rama i ka bërë keq llogaritë:

Porti i ri i Durrësit, Meta: Rama i ka bërë keq llogaritë: Afera rrezikon marrëveshjen e Stabilizim-Asociimit me BE

Kreu i Partisë së Lirisë, Ilir Meta në konferencën për mediat ku zbuloi detaje për atë që e konsideron afera e portit të ri të Durrësit, deklaroi se “Edi Rama i ka bërë shumë keq llogaritë”.

Meta theksoi se ky projekt vë në rrezik aspiratën europiane të vendit, pasi cënon marrëveshjen e Stabilizim Asociimit që Shqipëria ka firmosur me Bashkimin Europian.

“Partia e Lirisë është shumë e qartë në raportet me ndërkombëtarët, por investitori më strategjik mbi këtë tokë është populli i Shqipërisë. Kush hyn në aventura me një njeri të marrë që e di që është në fundin e vonuar të qeverisjes së vetë të dështuar, dhe që kërkon të lërë peng Shqipërinë edhe për 5 vjet të tjera, bën gabim që përfshihet në këtë aferë që mund të shkojë në vlerë edhe më shumë se inceneratorët. Pra 3 milionë euro për pozicionin më strategjik të Shqipërisë, në tokën e Korridorit 8. Iku koha kur punët e Shqipërisë dhe të shqiptarëve i gjykonin zyrtarë dhe burokratë që se kanë lexuar asnjë ditë marrëveshjen e Stabilizim Asociimit me BE. Vetëm rruga e transparencës së shpejtë dhe të menjëhershme mund të qetësojë këtë situatë për ndryshe Edi Rama i ka përllogaritur shumë keq pasojat e kësaj aventure të re”, tha Meta.

Politike BE Edi Rama Ilir Meta porti i ri i durresit Stabilizim-Asociimit