Portugalia është e kualifikuar e radhës për në raundin tjetër të botërorit të Katarit, pasi mposhti në ndeshjen e sotme Uruguain me rezultatin 2-0.
Pjesa e parë u mbyll me rezultatin 0-0 me Portugalinë që ishte më kërkuese, por që nuk arriti të zhbllokojë rezultatin në 45 minutëshin e parë.
Pjesa e dytë nisi furishëm për portugezët të cilët kërkuan golin e avantazhit me ngulëm dhe e gjetën në minutën e 54’ me anë të “Bruno Fernandes” i cili dërgoi shifrat në 1-0.
Pas shënimit të golit të parë nga portugezët, uruguaianët nisën të ushtronin presion për të gjetur golin e barazimit por pa sukses.
Ndërkohë që atëherë kur pritej që Uruguai të gjente golin e barazimit në minutat e fundit, Portugalia fitoi një penallti e cila u kthye në gol sërish nga “Bruno Fernandes” i cili shënoi të dytin personal dhe të dytin për Portugalinë duke vulosur kështu shifrat 2-0 dhe duke siguruar kështu kualifikim e mëtejshëm.
Me përfundimin e ndeshjeve të dyta në grupin G situata paraqitet e tillë:
1. Portugalia – 6 pikë
2. Gana 3 – pikë
3. Koreja e Jugut 1 – pikë
4. Uruguai 1 – pikë
