Këto klane kriminale kanë marrë edhe mbështetjen e Sali Berishës e Ilir Metës dhe enturazhit të tyre kriminal, të cilët interesin e kanë të humbë Lulzim Basha më 6 mars.
Ndaj Ilir Meta thirri Taon e Librazhdit për t’i çuar fjalë të gjithë “Non gratave” që të bashkohen rreth një ideali të përbashkët”…
Edi Rama po bën indiferentin për zgjedhjet e pjesshme bashkiake, duke lënë të kuptohet se nuk po angazhohet me të gjitha forcat, por e vërteta është se ai po bëhet gati t’ia japë këto bashki grupeve më të frikshme kriminale në vend.
Mënjanimi dhe thuajse shkrirja e Partisë Socialiste, të cilën Rama se pyet fare, tregon pikërisht synimin për ta ndarë një pushtet që ka në dorë miliona, me grupet “Non Grata” të mazhorancës, dhe me disa prej grupeve kriminale më të rrezikshme në vend.
Durrësi, është qyteti i parë që ka ruajtur status-quo’në e ku natyrisht komandon “Non Grata” i amerikanëve: Vangjushi.
Edi Rama ka lënë si kandidate për kryebashkiake, Emirjana Sakon, kryetaren aktuale të komanduar pas dorëheqjes së kryebashkiakes së parë Valbona Sako dhe të komanduarit Zhyljen Varfi. Të gjitha këto largime, siç ka deklaruar edhe djali i Spartak Brahos, i cili mbante postin e kreut të bashkisë së Durrësit komandohen nga “xhuxhi 339” ose “Toto Rina i Durrësit” siç e ka quajtur babai i tij Baba Taku.
Interesat e mafies janë shumë të mëdha në planin e portit të ri turistik të Durrësit, ku pritet të hapet një treg i madh për larësit e parave, që janë rreth kryebosit durrsak, të cilin SHBA e ka shpallur “Non Grata” për “korrupsion të rëndësishëm”.
Mandati i kryebashkiakëve që zgjidhen më 6 mars do të zgjasë vetëm 1 vit, por ka shumë gjasa që kush fiton, sidomos në një qytet me shumë para si Durrësit ka mundësi ta vijojë influencën.
Po ashtu edhe në Shkodër, ku Edi Rama e ka shkrirë degën e Partisë Socialiste, kandidatja Majlinda Angoni është thjesht për formë, ngaqë lojën ia luan “Non Grata” tjetër, Tom Doshi, i cili kontrollon realisht këshillin bashkiak të qytetit, e kryetari nuk ka mundësi reale të miratojë buxhete pa marrë ‘ok’ tek Toma. Siç ka ndodhur edhe me Voltanën, e cila prej 30 qershorit 2019 i ka pasur duart e lidhura.
Ndërkaq në Dibër, kryetari që u zgjodh më 30 qershor 2019, Dionis Imeri dha dorëheqjen pas presionit prej Imerit të tmerrshëm, ai i nofkës “Babloku” për Edi Ramën. Imer Lala synon të rikthejë vajzën e vet, Remen, në krye të bashkisë Peshkopi, e pas një viti për të kërkuar sërish një mandat tjetër.
Në Lushnjë, po bëhet gati të marrë bashkinë një nga grupet më të frikshme kriminale në Shqipëri, i cili ka qenë pranë Edi Ramës që në vitin 2000. Ka qenë vetë Sali Berisha që e ka akuzuar Edi Ramën si partner i “Hakmarrjes”, njerëz të së cilës kanë në dorë ende pjesë të rëndësishme të qytetit të Lushnjës.
E gjithë kjo panoramë nuk fshihet dot dhe është qartë. Madje të gjithë këto klane kriminale kanë marrë edhe mbështetjen e Sali Berishës e Ilir Metës, natyrisht me enturazhin e tyre kriminal, të cilët interesin e kanë të humbë Lulzim Basha më 6 mars.
Ndaj Ilir Meta thirri Taon e Librazhdit për t’i çuar fjalë të gjithë “Non gratave” që të bashkohen rreth një ideali të përbashkët”…/Pamfleti
