Politike17 Maj 2022, 18:47

"Presidenti"/ Balla sfidon Alibeajn: Propozoni një emër, 20 firma duhen!

Shkruar nga Pamfleti
"Presidenti"/ Balla sfidon Alibeajn: Propozoni një emër, 20

"PD s’do marrë pjesë në votimin e presidentit", Balla i kthehet Alibeajt: Vendimi një fyerje!

Mazhoranca dhe opozita do të ulen nesër në orën 10:00 për të negociuar për Presidentin e ri.

Përmes një deklarate për shtyp në përfundim të takimit me Alibeajn, Sekretari i Përgjithshëm i Partisë Socialiste Taulant Balla deklaroi se mazhoranca pret gatishmëri nga opozita për të vijuar me procesin për Presidentin.

“Ju ishit prezent gjatë bisedës që zhvilluam sot në konferencën e kryetarëve. Shpresoj që të ketë fleksibilitet dhe gatishmëri për konsensus. Unë kam shprehur gatishmërinë për të diskutuar mbi dokumentin e Alibeajt, por natyrshëm që të drejtën e propozimit ta kenë të gjitha palët. Asnjë palë nuk duhet të bëjë pengmarrje të procesit. Rama tha që procesi nuk duhet të jetë partiak, por të përfshihen të katërta grupet parlamentare. Unë mendoj se është diçka e mirë që ne kemi mundësinë që të komunikojmë dhe unë besoj që gjithmonë dialogu dhe konsensusi të arrijnë produkte pozitive”- tha Balla.

Po ashtu, kreu i grupit të PS-së, nisur nga situata brenda Partisë Demokratike e cila gjendet e coptuar mes Berishës, grupit Parlamentar të PD-së dhe “të paangazhuarve”, ka vënë në dyshim aftësitë kësaj force politike për t’u bërë bashkë, duke sfiduar Alibeajn të mbledh 20 firma, nëse mundet, për të propozuar një emër për Presidentin.

“Nëse ka gatishmëri për tu përfshirë seriozisht në proces besoj se mund të kemi ecuri në këtë proces. 20 firma duhen. I ka opozita 20 firma për të propozuar një kandidat? Nëse i ka le ta bëjë”, vijoi Balla.

Politike Balla