Politike23 Shtator 2022, 21:11

“Presim rikthimin si kryetar”, Basha takon gratë demokrate që "mbrojtën" PD gjatë sulmit të Berishës më 8 janar

Shkruar nga Pamfleti
“Presim rikthimin si kryetar”, Basha takon gratë demokrate

Ish-kreu i PD Lulzim Basha ka rinisur takimet me demokratët. Ai sot ka pasur një takim me gratë që ishin të pranishme në selinë e PD më 8 janar, ditën kur Berisha tentoi të merrte me dhunë selinë.

Lajmin e konfirmon në Facebook një prej anëtareve dhe aktivisteve të PD-së, Drita A. Lamaj, e cila ka shpërndarë edhe foto nga takimi.

Sot në një takim të ngrohtë, të grave të cilat ishin brenda në selinë qendrore Partia Demokratike e Shqipërisë në dt. 8 Janar 2022 dhe kryetarin Lulzim Basha.

Takimi u karakterizua nga bashkëbisedim i sinqertë, ku spikati dëshira për të lënë të shkuarën në skajin më të erret të historisë së PDSH dhe shikimin nga e ardhmja duke përkrahur rikthimin e kryetarit Lulzim Basha”, shkruan ajo.

Politike Basha gratë Takim