Foltorja e Sali Berishës do të zhvillojë sot për herë të parë një proces të brendshëm zgjedhor nga i cili do të dalin kandidatët për zgjedhjet e 14 majit.
Anëtarët dhe simpatizantë e grupit të Berishës do mund t’u drejtohen degëve lokale për të shprehur vullnetin e tyre se cilin nga emrat që janë në garë dëshirojnë ta shohin rival të Partisë Socialiste për bashkinë e tyre.
Beteja më e fortë konsiderohet në kryeqytet, ku përballja do të jetë mes 7 kandidatësh, mes tyre Belind Këlliçi, Ilir Alimehmeti, Gert Bogdanit dhe Julian Deda.
Në dy bashki të tjera të mëdha, PD shkon në zgjedhje me 1 emër: Luçiano Boçin në Elbasan dhe Bardh Spahinë në Shkodër.
Ndërsa në Durrës, demokratët e Berishës duhet të zgjedhë mes Igli Carës dhe Armand Dervishit.
Kruja është bashkia e cila ka më së shumti kandidatë, plot 11 emra që synojnë të jenë përballë PS-së në 14 Maj.
Procesi do të mbahet në 56 bashki dhe jo në 61. Kjo për shkak të dinamikave të brendshme. Jashtë primareve do të jetë Bashkia e Malësisë së Madhe, për të cilën nuk u regjistrua asnjë kandidat.
Në 4 bashki të tjera, Sali Berisha u ka dhënë dorë të lirë aleatëve të vegjël minoritarë duke mos i nënshtruar në votim e duke ju lënë të drejtën të zgjedhin vetë kë do të kandidojnë.
Vangjel Dules i vihen në dispozicion bashkitë: Himarë, Finiq e Dropull ku ka përqendrim minoritarësh grekë, ndërsa Pusteci i është rezervuar një partie të minoritetit maqedonas.
Nga 56 bashkitë ku do të zhvillohet procesi i primareve, në disa zona të rëndësishme ka vetëm një kandidat: në Elbasan, Shkodër dhe Kukës.
Edhe anëtarët dhe simpatizantët e Partisë së Lirisë mund të votojnë këtë të diel, por vetëm në 4 bashki të cilët Berisha ia ka lënë Metës të vendosë në garë emrat e tij.
Ato janë: Kuçova, Skrapari, Përrenjasi dhe Memaliaj.
Që një kandidat të shpallet fitues duhet të marrë votat e më shumë se gjysmës së pjesëmarrësve në primare. Nëse asnjë kandidat nuk merr 50% plus 1 votë të dielën, në 11 dhjetor do të bëhet raundi i dytë.
Kandidatët e Primareve janë si më poshtë:
Tirana, pretendentët kryesorë
Belind Këlliçi
Ilir Alimehmetit
Gert Bogdani
Shkodra:
Bardh Spahia
Elbasani: Luçiano Boçi
Durrësi:
Armand Dervishi
Igli Cara
Kruja:
Ndriçim Babasi
Agron Loka
Denis Hidri (Partia e Lirisë)
Kurbin:
Alfred Dajçi
Bashkitë që Berisha ia ka lënë në dorë Metës janë:
Kuçova, Skrapari, Përrenjasi dhe Memaliaj.