Politike 5 Gusht 2022, 16:06

“Problem korrupsioni i lartë dhe ekonomia informale”, Tabaku: Raporti i DASH tregon qartë përkeqësimin e klimës për biznes

Shkruar nga Pamfleti
“Problem korrupsioni i lartë dhe ekonomia informale”, Tabaku:

Deputetja e Partisë Demokratike, Jorida Tabaku ka reaguar lidhur me raportin e DASH mbi klimën e biznesit në Shqipëri, për të cilin ajo është shprehur se ky raport tregon panoramën e një serie të gjatë të problemeve që përkeqësohen përditë e më shumë.

Me anë të një postimi në rrjetin social Facebook, Tabaku është shprehur, se qeveria ka vizion oligarkinë dhe si pasojë edhe raporti i DASH e tregon qartë se korrupsioni i lartë në vend, mungesa e konkurrencës dhe ekonomia informale kanë krijuar një klimë biznesi jo të përshtatshme për investitorët e huaj.

Pak atraktivë për Investitorët e huaj?! Një qeveri që vizion ka oligarkinë nuk mund të ofrojë asgjë!

Raporti i Departamentit Amerikan të Shtetit për klimën e biznesit në Shqipëri është një panoramë e një serie të gjatë të problemeve që përkeqësohen përditë e më shumë.

Kjo, jo për fajin e shqiptarëve por për fajin e një qeverie që siç duket nga raporti preferon korrupsion përmbi klimën e një biznesi të shëndetshëm.

Korrupsioni i lartë dhe endemik në nivele të larta, mungesa e konkurrencës dhe tregut, ekonomia informale dhe një legjislacion jo i qëndrueshëm!”, tha Tabaku.

Gjithashtu Tabaku tha se edhe pse qeveri pretendon se ka ligje për të thithur investitorë strategjik dhe për të krijuar një klimë të mirë biznesi, sipas sajë ato në fakt janë  ligjet të qepura për investitorët pranë qeverisë. Tabkaut shtoi më tej se parlamenti tanimë shërben si noter, dhe PPP-të janë licenca për abuzimin me buxhetin ndërsa klima e biznesit përkeqësohet për vit.

“Ndonëse qeveria pretendon se ka ligje për të thithur sa më shumë biznese dhe investime të huaja, e vërteta është që këto ligje, si Investimeve Strategjike, janë thjesht fasada pasi titujt strategjikë dhe këto investime i shkojnë vetëm bizneseve të lidhura me qeverinë.

Ligjet janë të qepura për investitorët pranë qeverisë, parlamenti shërben si noter, PPP-të janë licenca për abuzimin me buxhetin dhe klima e biznesit përkeqësohet për vit. Një ekonomi që në vitin 2022 vazhdon të ketë 40% të saj informale nuk premton siguri dhe as qartësi”, shkruan Tabaku.

 

Postimi i Tabakut

Pak atraktivë për Investitorët e huaj?! Një qeveri që vizion ka oligarkinë nuk mund të ofrojë asgjë!

Raporti i Departamentit Amerikan të Shtetit për klimën e biznesit në Shqipëri është një panoramë e një serie të gjatë të problemeve që përkeqësohen përditë e më shumë.

Praktikisht një biznes në SHBA pasi lexon këtë raport e ka të qartë se Shqipëria nuk ofron atë mikpritje karakteristike që gjen çdokush sa herë vjen në tokën tonë. Kjo, jo për fajin e shqiptarëve por për fajin e një qeverie që siç duket nga raporti preferon korrupsion përmbi klimën e një biznesi të shëndetshëm.

Nuk bën habi që raporti përshkruan në detaj ndjeshmërinë që dhoma Amerikane e Tregtisë apo dhe ajo Gjermane kanë për klimën dhe korrupsionin në vend.

Pra; Korrupsioni i lartë dhe endemik në nivele të larta, mungesa e konkurrencës dhe tregut, ekonomia informale dhe një legjislacion jo i qëndrueshëm!”, tha Tabaku.

Ndonëse qeveria pretendon se ka ligje për të thithur sa më shumë biznese dhe investime të huaja, e vërteta është që këto ligje, si Investimeve Strategjike, janë thjesht fasada pasi titujt strategjikë dhe këto investime i shkojnë vetëm bizneseve të lidhura me qeverinë.

Korrupsioni është aq galoponte saqë edhe procesi i transparencës në lidhje me ligjet është në nivelin më të ulët, aq sa bizneset as nuk lajmërohen në kohë me ndryshimet apo për ndryshimet në ligj.

Kjo përkthehet në gjithnjë e më pak para shikueshmëri dhe stabilitet për një sipërmarrje serioze. Prandaj ne shohim gjithnjë e më pak biznese, sidomos amerikane, që vijnë në Shqipëri prej përzgjedhjes së tyre.

Niveli i portofolit në vendin tonë ofron shumë mundësi por sa investime strategjike serioze janë me prejardhje nga SHBA në fushën e energjisë, transportit, ndërtimit të veprave infrastrukturore e kështu me radhë?! Pak apo aspak dhe kjo sepse vendit i mungon konkurrenca dhe kjo na bën pak atraktivë.

Ligjet janë të qepura për investitorët pranë qeverisë, parlamenti shërben si noter, PPP-të janë licenca për abuzimin me buxhetin dhe klima e biznesit përkeqësohet përvit. Një ekonomi që në vitin 2022 vazhdon të ketë 40% të saj informale nuk premton siguri dhe as qartësi.

Për aq kohë sa qeveria të jetë e angazhuar në menaxhimin e skandaleve që vijnë nga korrupsioni, shkatërrimi ekonomisë ne nuk do të mund të fokusojmë vëmendjen tonë në zhvillimin ekonomik që do të përkthehej në rritjen e mirëqenies.

Mobiliteti social, një mundësi për këdo që të ndjekë ëndrrat dhe synimet e tij në jetë, nuk do të jetë realitet për sa kohë Shqipëria mos të shfrytëzojë potencialet e saj natyrore dhe njerëzore.

Këtë mundësi e pengon një qeveri, një kryeministër dhe një mazhorancë që e mban atë në kënetën e një sistemi të kalbur që nuk kërkon ndryshimin për t’i dhënë mundësinë gjithsekujt por i thërret shqiptarët në gjuhën e vjetër të përlyerjes pa ofruar asgjë ndryshe nga sa ka ofruar deri më tani.

#ekonomia #investime #FDI #shqiperia #SHBA #tatimet #oligarke #koncesione #PPP #inceneratoret”,shkruan Tabaku.

Politike DASH Raporti tabaku