Sipas profesorit Henry Bauer Nessie jo vetëm që ekziston, por mund të jetë disa krijesa që ishin bllokuar në liqenin skocez që nga fundi i Epokës së Akullnajave.
Një shkencëtar amerikan dëshiron të shkruajë kapitullin e fundit mbi përbindëshin ‘Loch Ness’, nga i cili beson se ai ka përgjigjen për misterin që ka magjepsur brezat e entuziastëve që janë përpjekur të gjejnë krijesën mitike.
Henry Bauer, profesor i kimisë dhe studimeve shkencore në Institutin Politeknik dhe Universitetin Shtetëror të Virxhinias, pohon në një studim të botuar së fundmi se krijesa misterioze jo vetëm që ekziston, por mund të jenë disa, dhe ndryshe nga hipotezat e konsideruara në të kaluarën, ajo nuk do të ishte një dinosaur, por më tepër një lloj krijese e lashtë detare që u bllokua në liqen kur ujërat u tërhoqën në fund të epokës së akullit.
Bauer është 89 vjeç dhe nga një moshë shumë e re ai ka qenë një tifoz i Nessi, duke ndjekur nga afër raportet e shikimeve të saj dhe provat dokumentare që kemi deri më tani të ekzistencës së saj.
“Ideja më popullore është që përbindëshi i Loch Ness ka një marrëdhënie me pleziosaurët e zhdukur. Por kjo është e vështirë të sheshohet me rrallësinë e shikimeve në sipërfaqe, aq më pak me shikimet e rastit në tokë”, tha shkencëtari për median skoceze Daily Record.
