Prokuroria e Përgjithshme, KLP, ILD e SPAK, kanë aq shumë raste abuzimesh të rënda, sa prokurorin Emror Haxhi Kasaj duhet ta shporrin urgjent nga drejtësia e ta çojnë në pranga, mbasi pas çdo dosjeje që ka zvarritur, bllokuar, pushuar e pastruar nga provat, ai ka shtuar milionat dhe viktimat që i ka lënë të lirë me hetime të falsifikuara, siç ndodhi në rastin e atentatit me 2 të vrarë më 13 nëntor te zona “Astir”, të cilët paguan vdekjen te ky prokuror pazarxhi
Vrasja e Erigers Mihasit dhe mikut të tij Armando Dumani në atentatin e mbrëmjes së 13 nëntorit te zona “Astir”, ka zbuluar sërish “gropën e zezë”, të mbushur me zullumet që bëjnë zyrtarët e drejtësisë së vjetër ende në detyrë, konkretisht në Prokurorinë-Gjirokastër që prej vitesh është e kalbur nga korrupsioni.
Prova fundit e këtij kalbëzimi doli para një jave, me vrasjen e Erigers Mihasit në Tiranë, personit i cili duhet të ishte në hetim me izolim dhe të paraqitej çdo muaj në këtë prokurori, por ishte krejt i lirë dhe udhëtonte me “Audi A8”, 54 mijë Euro.
Referuar dosjes së tij penale, del qartë se vrasësi i Mihasit dhe mikut të tij, nuk është dora e krimit të organizuar, por është “dora” e prokurorit Emror Kasaj, këtij xhambazi që shquhet për pazare të pista me eksponent të krimit, duke i favorizuar me liri e kërkesa dënimesh simbolike.
Me logjikë penale, shkaku i vrasjes së tij, është pikërisht Prokurori Emror Kasaj, të cilin në Gjirokastër e njohin me nofkën “Don Çiço”, jo për lidhjet me trafikun e drogës, por si “koka” e kartelit të krimit të organizuar brenda sistemit të drejtësisë.
Ky prokuror është simbol i krimit në drejtësi, duke zhvatur ata persona që skendon si të pandehur, të cilët fillimisht i vendos nën akuzë me tërsëllimë e kërcënim se do t’i “kalb” në burg.
Por më pas, personat në hetim futen në pazare me sekser ose direkt me prokurorin Emror Kasaj, dhe kundrejt “çantës” me miliona apo kleringut si 3 shtëpitë në Tiranë dhe makina “Super Benz” e blinduar me xhama të zinj që ka; ai i lehtëson me dënime minimale, u zvarrit hetimet deri sa të kalojnë afatet ligjore, ose i lë të lirë duke pastruar provat e krimit.
Kështu veproi dhe me Erigers Mihasin, të cilin e la të lirë duke zhdukur provat e krimit kundrejt ryshfetit; ndërkohë që e kishte arrestuar vetë në janar 2019, për një akuzë të rëndë me prova shkencore, mirëpo pas pazarit që bëri, i hapi derën e burgut dhe rrugën e vrasjes.
Në këtë kënd ligjor shpërdorimi detyre, duhet ta trajtojnë Prokuroria e Përgjithshme, Këshilli i Lartë i Prokurorisë edhe Inspektoriati i Lartë i Drejtësisë, skandalin e prokurorit “Don Çiço” Emror Kasaj; sepse Erigers Mihasi, duhej të lihej në burg, pasi ndaj tij vetë prokurori ryshfetxhi, kishte ngritur 3 akuza të rënda, ku më kryesore ishte gjurmët e gishtave, por dhe prova të forta.
Por çuditërisht, 6 muaj nga arrestimit të Mihasit dhe dorëzimit të dosjes në gjykatë, prokurori mafioz Emror Kasaj, dorëzoi një vendim dhe kërkesë tjetër në gjykatë, me të cilën kërkoi pushimin e çështjes dhe lirimin e tij për mungesë provash.
Dosja e zhdukjes së provave është bërë publike, është dhe në arkivën e Prokurorisë-Gjirokastër, por çuditërisht Prokuroria e Përgjithshme, Këshilli i Lartë i Prokurorisë dhe Inspektoriati i Lartë i Drejtësisë, nuk po nisin hetimet ndaj prokurorit Emror Kasaj që krijoi kushte për krimin e rëndë.
Por fakti që heshtin këto 3 institucione eprore të drejtësisë, nuk e justifikon heshtjen e shefave të SPAK, të cilët duhet ta prangosin këtë prokuror “llum” dhe të etiketuar “Don Çiço”, për lidhjet e tij me eksponentë të krimit e paprekshmëri të tyre./Pamfleti
