Politike 7 Shkurt 2023, 20:02

Protesta e FRPD në Surrel, Berisha thirrje të rinjve: Të bllokojmë rrugët, të rrëzojmë Ramën

Shkruar nga Pamfleti
Protesta e FRPD në Surrel, Berisha thirrje të rinjve: Të

Protesta e FRPD në Surrel, Berisha thirrje të rinjve: Le t’i bllokojmë rrugët!

Ish kryeministri, Sali Berisha në një takim me të rinjtë e Forumit Rinor të PD-së, u ka bërë thirrje që të marrin pjesë në protestat dhe revoltat deri në bllokimin e rrugëve dhe mosbindjes civile me qëllim rrëzim e qeverisë.

Ai përgëzoi anëtarët e FRPD-së për protestën që këta të fundit zhvilluan ditën e djeshme pranë banesës së kryeministrit Edi Rama në Surrel, duke u thënë se ishin të parët të cilët nisën revolucionin deri në largimin e tij.

“Ju jeni tmerri i këtij regjimi ndaj ai bën çdo gjë që ju të largoheni nga Shqipëria. Le të fillojmë revolucionin tonë me moton ‘T’i dalim zot Shqipërisë’. Sytë, mendja, zemra e shqiptarëve që e duan këtë vend, që u larguan shpresëvrarë nga ky vend, janë sot tek ju.

Qindra e mijëra moshatarë tuaj përballen me dhimbje dhe sakrifica por ka një shpëtim, që është largimi i Edi Ramës nga pushteti. Edi Rama e ka bërë Shqipërinë dhe të huaj për ju, le t’ja bëjmë atij Shqipërinë dhe të huaj për të. Le të përballemi ne me këtë organizatë kriminale, ju garantoj se aq sa duken të fortë, aq janë kalbësirë.

Le t’ja bllokojmë rrugët dhe t’i themi se rrugët janë tonat dhe jo të tuat o hajdut që përzë vëllezërit tanë nga Shqipëria. Le t’j bllokojmë ne bashkinë Erion Veliajt që rri gjithë ditën në TV dhe vjedh taksat e qytetarëve. Mburret me vjedhjet e tij dhe ka pafytyrësinë të mburret me inaugurime pasi vjedh shtatëfishin e fondit të përdorur për ndërtim. Ndaj këtyre ka vetëm protestë dhe mosbindje civile. Si mund të jetë kryeministria strofull e një hajduti? Ai nuk largohet nga pushteti por ne duhet ta largojmë. Revolucioni ynë nuk do ndalojë deri në fitoren e plotë. Ju përgëzoj, jeni të parët që e filluar revolucionin, e filluar me guxim por le t’i themi Ramës që nuk ke parë gjë akoma”-tha Berisha.

Politike FRPD Sali Berisha Surrel