Protesta e paralajmëruar nga Partia Socialdemorkate (PSD) për të mërkurën e 21 shtatorit ka bërë që kryetarja e Gjykatës Speciale, Ekaterina Trendafilova ta anulojë një vizitë në Gjilan.
Kështu të martën ka njoftur Gjykata Speciale, pasi PSD-ja e drejtuar nga Dardan Moliqaj do të organizojë protestë kundër vizitës së saj në Kosovë.
Takimi i planifikuar i Trendafilova me pjesëtarë të shoqërisë civile do të zhvillohet përmes internetit.
Gjykata Speciale ishte themeluar nga Kuvendi i Kosovës në vitin 2015.
Pesë vite më vonë kishin nisur edhe arrestimet.
Pjesë e të arrestuarve ishte edhe Hashim Thaçi, ish-president i Kosovës.
Por janë arrestuar dhe po mbahen në paraburgim edhe themelues të UÇK-së si Kadri Veseli, Jakup Krasniqi e Rexhep Selimi.
E mbi akuza për “ndërhyrje në drejtësi”, janë të dënuar me burg dy ish-krerët e Organizatës së Veteranëve të UÇK-së, Hysni Gucati dhe Nasim Haradinaj.