Në Gjykatën e Apelit në Shkodër është zhvilluar sot seanca gjyqësore ndaj 11 kuksianëve të cilët u lanë në qeli nga Gjykata e Kukësit, pas protestave të dhunshme kundër tarifës për Rrugën e Kombit.
Apeli sot vendosi që tre prej të arrestuarve të qëndrojnë në burg, ndërsa dha masën e sigurisë detyrim paraqitje për tetë të tjerë.
Seanca ka nisur që në orën 11:00, ndërsa të pranishëm ishin edhe deputetët e grupit të opozitës.
Trupa gjykuese përbëhej nga; Astrit Kalaja, Hajrie Mulmataj dhe Vojsava Osmanaj, ndërsa prokurorë ishin Elvin Gogaj dhe Brahim Ndragjoshi.
