Një vajzë 10-vjeçare ka humbur jetën në spitalin Di Cristina në Palermo, për shkak të një sfide në “Tik Tok”.
Në momentin që prindërit e kanë dërguar me urgjencë në spital, ajo mbërriti në arrest kardiak për shkak të asfiksisë së zgjatur. Vajza e vogël kishte marrë pjesë në një sfidë të rrezikshme në TikTok, një nga rrjetet më të njohura sociale midis fëmijëve dhe adoleshentëve.
Vajza e vogël luftoi për një natë të tërë në spital, por më në fund iu desh t’i dorëzohej fatit të saj. Mjekët e shpallën të vdekur në orën 13:30, pasi truri i saj nuk funksiononte më.
Vajza kishte marrë pjesë në një sfidë që në Tik Tok që quhet “sfidë e varur” dhe që përfshin një provë rezistence. Loja konsistonte në lidhjen e një rripi në qafë dhe rezistencën sa më shumë që të jetë e mundur. Vajza e vogël kishte ndjekur hapat para se të asfiksohej, pastaj do ta gjente veten pa forcë dhe do të binte përtokë. Prindërit e fëmijës e kishin vërejtur situatën pothuajse menjëherë dhe e dërguan në spital, por pa mundur që të shpëtojë.
Nuk është hera e parë që një sfidë mbi Tik Tok shndërrohet në tragjedi. Shtatorin e kaluar, 15-vjeçarja Chloe Phillips nga Oklahoma City, Shtetet e Bashkuara, ndërroi jetë nga Benadryl Challenge, një sfidë që u kërkon përdoruesve të marrin një drogë të fortë.
