Bota 3 Qershor 2018, 20:49

Provokojnë sërish serbët, forca ushtarake pranë kufirit me Kosovën

Shkruar nga Pamfleti
Provokojnë sërish serbët, forca ushtarake pranë kufirit me

Provokojnë sërish serbët, forca ushtarake pranë kufirit me Kosovën

Forca të armatosura të ushtrisë së Serbisë së bashku me pjesëtarë të xhandarmerisë serbe janë vendosur që nga mëngjesi i sotëm afër kufirit të Jarinjes.

Ata janë dislokuar në Rudnicë, që ndodhet pak metra nga Jarinja në drejtim të Serbisë dhe janë duke kontrolluar të gjitha hyrje-daljet e personave dhe automjeteve, të cilat qarkullojnë Kosovë-Serbi dhe anasjelltas.

Po sipas këtyre burimeve, është hera e parë që nga shpallja e pavarësisë së Kosovës që ushtarët serbë dhe të armatosur shihen në këtë vend.

“Ushtarë të Serbisë nuk janë parë ndonjëherë afër kufirit prej krijimit të Kosovës shtet i pavarur, dhe prezenca e tyre ka befasuar edhe policët kufitarë të Kosovës.

Nuk dihet qëllimi i prezencës së ushtarëve të armatosur serbë sot afër kufirit”, kanë thënë burimet konfindenciale./balkanweb

 

Ballkani Forca ushtarake Kosova Provokojnë Serbet