Aktualitet20 Maj 2022, 11:33

Pse dosja e “21 Janarit” nuk hetohet nga SPAK? Kraja: E ka në dorë Prokuroria e Tiranës, e vendosin ata fatin e saj

Shkruar nga Pamfleti
Pse dosja e “21 Janarit” nuk hetohet nga SPAK? Kraja: E ka në

Kreu i Prokurorisë së Posaçme Arben Kraja ka folur për rihapjen e dosjes së “21 Janarit”.

Kraja është duke folur në Komisionin e Ligjeve për punën e SPAK gjatë vitit që lamë pas dhe u pyet nga deputeti Eduart Ndresa mbi mundësinë që vrasjet në bulevard të hetohen nga SPAK.

Momentalisht Prokuroria e Tiranës është duke hetuar për vrasjen e Aleks Nikës dhe deputeti kërkoi të dijë se përse dosja nuk transferohet në SPAK.

Kraja deklaroi sipas kodit të procedurës penale kur një dosje është e regjistruar pranë një prokurorie ajo është kompetente për të vendosur mos shpallje kompetence dhe kalimin e saj në një prokurori tjetër që në këtë rast është SPAK.

Diskutimet 

Eduart Ndreca: Aleks Nika është vrarë më 21 Janar. E ndjej detyrim të pyes a ekziston ndonjë mekanizëm ligjor të transferimit të dosjes nga prokuroria e Tiranës drejt SPAK? Pas reformës pesha e kësaj dosje lidhet më shumë me kompetencat e SPAK.

Arben Kraja: Kur një procedim penal është pranë një prokurorie është ajo kompetente për të vlerësuar se çfarë ka në dosje dhe për të parë nëse ka elementë që nuk jam kompetencë e saj por të një prokurorie tjetër. Mbi këtë bazë i drejtohen aktet një prokurorie tjetër që në këtë rast është SPAK i cili i vlerëson dhe vendos ta pranojë apo mos ta pranojë. Edhe ai rast duhet të zgjidhet në këtë formë.

Aktualitet @1 janari Hetime Kraja