Ndoshta nuk e ka dëgjuar këtë ngjarje, as kryepolici Ardi Veliu, komshi në Farkë me biznesmenin pronar i Universititetit Ndërkombëtar të Tiranës, ku jep mësim dhe gruaja e kryepolicit e bashkëshortë/e të disa politikanëve dhe zyrtarëve të drejtësisë e qeverisë
Megjithëse plagosja në Farkë e ndërtuesit Admir Mulaj, vëlla i anëtares së KPA-Veting, Natasha Mulaj (Haklaj), ka ndodhur më 12 janar 2021, Policia e Shtetit nuk po jep asnjë njoftim e version zyrtar për ngjarjen.
Ndërsa vetë Mulaj, ka deklaruar se e kanë plagosur me thika në bark, kur ka qenë duke bërë vrap në Farkë; dhe nuk i njohu ata që e plagosën nga që ikën me vrap, duke refuzuar të dëshmojë autorët, sepse do t’i duhet të deklarojë shkakun e sulmit.
Ndërsa ata që kanë parë e raportuar ngjarjen në polici, kanë deklaruar se Admir Mulaj, ka qenë duke biseduar me 2 persona që e goditën, gjë që krijon bindjen se i njeh dhe ka patur lidhje me ta.
Përse u fsheh kjo ngjarje, gjersa policia e kishte marrë njoftimin për plagosjen e ndërtuesit e biznesmenit universitar, Admir Mulaj; i shkoi në vilën e tij në Farkë, ngjitur me vilën e kryepolicit Ardi Veliu dhe në spitalin privat, ku i mori deklarimin?!
Çfarë interesa pasurore e financiare “të fortësh” në politikë e jashtë saj, ka mbrojtur policia, duke mos bërë publike këtë ngjarje të rëndë? Sepse nuk është plagosur, ndonjë person në një fshat të largët për gardhin a vijën e ujit; por është sulmuar vëllai i ish-shefes së “Veting” në Apel; njëherazi një biznesmen ndërtimi, pronar tokash, HEC-esh, universiteti dhe dyqanesh këmbimi valutor.
Për më tepër, që ky biznemen është i skeduar nga policia dhe drejtësia, si ndërtues pallatesh që mashtron klientët, duke shitur apartamentet nga 2-3 herë e ka konflikte të shumta me biznesmenin e bananeve, Eduard Dauti nga Vlora për 241 mijë Euro.
Është i skeduar për mashtrime e grabitje tokash dhe trojesh në Tiranë, Durrës, Vlorë; madje për 1 prej tyre në Tiranë, është dënuar me 1 vit burg nga Gjykata e Tiranës (Vendim nr.1373, datë 27.10.2010) dhe lënë në fuqi nga Gjykata e Apelit-Tiranë (Vendim nr.1202, datë 28.10.2011).
Penalisht është gjykuar dhe për grabitje me gjobëvënie 205 mijë Euro, ndaj italianit Silvio Allamandi, administrator i shoqërisë “Inisiativa Hidroelektrike Shqiptare”; realizuar bashkë me vëllain e tij, Vladimir Mulaj, të cilit natën e Vitit të Ri 2019, i vendosën tritol në vilë.
Ka të dhëna në dosjen e “Veting” të kryepolicit Ardi Veliu, se ndërtuesi Admir Mulaj është investitor donator, në një nga apartamentet e Ardi Veliut; i cili ia njeh dhe dosjen gjatë viteve të qëndrimit në Itali.
Kujtojmë se më 2013-ën, Admir Mulaj, ishte një nga 11 kandidatët që “desantoi” Sali Berisha, fiktivsht si kandidatë rival kundër Sokol Olldashit, njeherazi ishte financues i skemës “1 anëtar 1 votë” në favor të Lulzim Bashës, për të kapur postin e kryetarit të PD./Pamfleti
