Politike16 Maj 2022, 19:24

Punësimet politike në administratë, Rama fajëson Metën: Ndodhën për shkak të LSI-së

Shkruar nga Pamfleti
Punësimet politike në administratë, Rama fajëson Metën:

Kryeministri Edi Rama ka fajësuar LSI-në për punësimet politike në administratë.

Duke folur në Këshillin Koordinues të Qarkut Tiranë, për mbajtjen e zgjedhjeve në degët e PS, Rama tha se krerët e degëve nuk duhet të merren me punësimet.

“Kjo është pasojë e një periudhe të gjatë kohë që ne kemi trashëguar dhe nuk e kemi krijuar. PS nuk është më në mundësinë që ta lërë këtë inerci të vazhdojë edhe pse për hir të së vërtetës ne në një pjesë të madhe kemi arritur ta garantojmë qëndrueshmërinë e administratës apo jetës së ekzekutivit duke e larguar partinë nga influenca në vendimmarrje. Influencë që ka pasur ndikim absolut deri në kohën që morëm pushtetin. E ka pasur për hir të së vërtetës edhe pasi kemi marrë detyrën. Edhe për shkak të aleatit në koalicion dhe për shkak se duke parë rrushi rrushin piqemi”, tha ai.

Politike #dege PS Rama